ಕಂಚಿನಮಿಂಚು

 

ಕಂಚಿನಮಿಂಚು

ಒಲಿಂಪಿಕ್ ಶೂಟಿಂಗ್ ನಲ್ಲಿ

ಪದೇ ಪದೇ ಕಾಣುತ್ತಿದೆ ಮಿಂಚು|

ಮನು ಸರಬ್ಜೋತ್ ಜೋಡಿ

ಭಾರತಕ್ಕೆ ತಂದಿದೆ 

ಮತ್ತೊಂದು ಕಂಚು||

ಸಿಹಿಜೀವಿ ವೆಂಕಟೇಶ್ವರ

ತುಮಕೂರು

9900925529

ಹೃದಯದ ಮುಡಿತ

 

ಹೃದಯಮಿಡಿತ

ಕೇಳದಿರು ಗೆಳತಿ 

ಕಾರ್, ಬೈಕ್ ಮೊಬೈಲ್ ಇದೆಯಾ?|

ನದಾ ಮಿಡಿಯುತ್ತಿದೆ 

ನಿನಗಾಗಿಯೇ ಈ ಹೃದಯ ||

ಹೆಮ್ಮೆಯ ಶೂಟರ್..

 

ಹೆಮ್ಮೆಯ ಶೂಟರ್..

ಪ್ಯಾರಿಸ್‌ ಒಲಿಂಪಿಕ್ಸ್ ನಲ್ಲಿ

ಭಾರತಕ್ಕೆ ಮೊದಲ ಪದಕ

ತಂದಿದ್ದಾರೆ ಶೂಟರ್|

ಹೃದಯಾಂತರಾಳದಿಂದ 

ಅಭಿನಂದನೆಗಳು ನಿಮಗೆ

ಸಹೋದರಿ ಮನು ಭಾಕರ್||

ಸಿಹಿಜೀವಿ ವೆಂಕಟೇಶ್ವರ

ತುಮಕೂರು

ಪ್ರಕೃತಿ ಸಂರಕ್ಷಿಸುವ ಪಣ ತೊಡೋಣ.

 

 ಪ್ರಕೃತಿ ಸಂರಕ್ಷಿಸುವ ಪಣ ತೊಡೋಣ.

ಪ್ರಕೃತಿಯ ಮೇಲಿನ ಮಾನವನ ದಬ್ಬಾಳಿಕೆಯ ಪರಿಣಾಮವನ್ನು ನಾವು ಈಗಾಗಲೇ ಅನುಭವಿಸುತ್ತಿದ್ದೇವೆ.ಈಗ ಎಚ್ಚೆತ್ತುಕೊಳ್ಳದಿದ್ದರೆ ಮುಂದೆ ಇನ್ನೂ ಗಂಭೀರವಾದ ಪರಿಣಾಮವನ್ನು ಅನುಭವಿಸಬೇಕಾಗುತ್ತದೆ. ಈ ನಿಟ್ಟಿನಲ್ಲಿ

ಪ್ರತಿ ವರ್ಷ ಜುಲೈ 28 ರಂದು, ಪ್ರಪಂಚದಾದ್ಯಂತದ ಜನರು ವಿಶ್ವ ಪ್ರಕೃತಿ ಸಂರಕ್ಷಣಾ ದಿನವನ್ನು ಆಚರಿಸುತ್ತೇವೆ. ಈ ದಿನವು ನಮ್ಮ ನೈಸರ್ಗಿಕ ಸಂಪನ್ಮೂಲಗಳನ್ನು ಸಂರಕ್ಷಿಸುವ ಮತ್ತು ಭವಿಷ್ಯದ ಪೀಳಿಗೆಗೆ ಪರಿಸರವನ್ನು ರಕ್ಷಿಸುವ ಮಹತ್ವವನ್ನು ನೆನಪಿಸುತ್ತದೆ. ನಮ್ಮ ಗ್ರಹದ ಯೋಗಕ್ಷೇಮವನ್ನು ಖಾತ್ರಿಪಡಿಸುವ ಸುಸ್ಥಿರ ಅಭ್ಯಾಸಗಳ ಕಡೆಗೆ ನಡೆಯಲು ಕ್ರಮಗಳನ್ನು ತೆಗೆದುಕೊಳ್ಳುವಂತೆ ವ್ಯಕ್ತಿಗಳು, ಸಮುದಾಯಗಳು ಮತ್ತು ಸರ್ಕಾರಗಳನ್ನು ಒತ್ತಾಯಿಸುವ ಕ್ರಿಯೆಗೆ ಇದು ಸಕಾಲ.

ವಿಶೇಷವಾಗಿ ಹವಾಮಾನ ಬದಲಾವಣೆ, ಜೀವವೈವಿಧ್ಯತೆಯ ನಷ್ಟ, ಅರಣ್ಯನಾಶ, ಮಾಲಿನ್ಯ ಮತ್ತು ಆವಾಸಸ್ಥಾನಗಳ ನಾಶದಂತಹ ಪರಿಸರ ಸವಾಲುಗಳನ್ನು ಹೆಚ್ಚಿಸುವ ಸಂದರ್ಭದಲ್ಲಿ ವಿಶ್ವ ಪ್ರಕೃತಿ ಸಂರಕ್ಷಣಾ ದಿನವು ಹೆಚ್ಚು ಮಹತ್ವ ಪಡೆದಿದೆ.

   ವನ್ಯಜೀವಿಗಳು ಮತ್ತು ಪರಿಸರ ವ್ಯವಸ್ಥೆಗಳನ್ನು ಮಾತ್ರವಲ್ಲದೆ ಮಾನವನ ಆರೋಗ್ಯ, ಆರ್ಥಿಕತೆ ಮತ್ತು ಒಟ್ಟಾರೆ ಜೀವನದ ಮೇಲೆ ಪರಿಸರದ ಅಡ್ಡ ಪರಿಣಾಮಗಳು ನಮಗೆ ಗೋಚರಿಸುತ್ತಿವೆ. ಪರಿಸರ

ಸಂರಕ್ಷಣಾ ಪ್ರಯತ್ನಗಳು ಅಲ್ಲಲ್ಲಿ ಆರಂಭವಾಗಿರುವುದು ಸಮಾಧಾನಕರ ಸಂಗತಿ. ಈಗೀಗ ಪರಿಸರದ ಸಂಪನ್ಮೂಲಗಳ  ಜವಾಬ್ದಾರಿಯುತ ಬಳಕೆ, ಸುಸ್ಥಿರ ಅಭಿವೃದ್ಧಿ ಮತ್ತು ಜೀವವೈವಿಧ್ಯ ಸಂರಕ್ಷಣೆಯನ್ನು ಉತ್ತೇಜಿಸುವ ಮೂಲಕ ಸಮಸ್ಯೆಗಳನ್ನು ತಗ್ಗಿಸುವ ಗುರಿಯನ್ನು ಹೊಂದಿ ಹಲವಾರು ಪ್ರಯತ್ನಗಳು ಜಾರಿಯಲ್ಲಿವೆ. ನೈಸರ್ಗಿಕ ಸಂಪನ್ಮೂಲಗಳನ್ನು ರಕ್ಷಿಸುವ ಮೂಲಕ ಮತ್ತು ನಮ್ಮ ಪರಿಸರದ ಹೆಜ್ಜೆಗುರುತನ್ನು ಕಡಿಮೆ ಮಾಡುವ ಮೂಲಕ ನಾವು ಮಾನವೀಯತೆ ಮತ್ತು ಪರಿಸರದ ನಡುವೆ ಹೆಚ್ಚು  ಸಾಮರಸ್ಯದ ಸಂಬಂಧವನ್ನು ಹೊಂದಬೇಕಿದೆ.

  ಪರಿಸರ ವ್ಯವಸ್ಥೆಯ ಸ್ಥಿರತೆ ಮತ್ತು ಸ್ಥಿತಿಸ್ಥಾಪಕತ್ವಕ್ಕೆ ಜೀವವೈವಿಧ್ಯವು ನಿರ್ಣಾಯಕವಾಗಿದೆ. ಸಂರಕ್ಷಣಾ ಪ್ರಯತ್ನಗಳು ಅಳಿವಿನಂಚಿನಲ್ಲಿರುವ ಜೀವಿಗಳನ್ನು ರಕ್ಷಿಸುವುದು, ಆವಾಸಸ್ಥಾನಗಳನ್ನು ಸಂರಕ್ಷಿಸುವುದು ಮತ್ತು ಜೈವಿಕ ವೈವಿಧ್ಯತೆಯನ್ನು ಕಾಪಾಡಿಕೊಳ್ಳುವ ಸುಸ್ಥಿರ ಭೂ ಬಳಕೆಯ ಅಭ್ಯಾಸಗಳನ್ನು ಉತ್ತೇಜಿಸಬೇಕಿದೆ. ಹವಾಮಾನ ಬದಲಾವಣೆಯನ್ನು ಪರಿಹರಿಸಲು ಹಸಿರುಮನೆ ಅನಿಲ ಹೊರಸೂಸುವಿಕೆಯನ್ನು ಕಡಿಮೆ ಮಾಡಲು ನವೀಕರಿಸಬಹುದಾದ ಇಂಧನ ಮೂಲಗಳನ್ನು ಉತ್ತೇಜಿಸಲು ಮತ್ತು ಬದಲಾಗುತ್ತಿರುವ ಪರಿಸರ ಪರಿಸ್ಥಿತಿಗಳಿಗೆ ಹೊಂದಿಕೊಳ್ಳಲು ಸಂಘಟಿತ ಪ್ರಯತ್ನಗಳ ಅಗತ್ಯವಿದೆ. ಪರಿಸರ ವ್ಯವಸ್ಥೆಗಳು ಮತ್ತು ಸಮುದಾಯಗಳ ಮೇಲೆ ಹವಾಮಾನದ ಪರಿಣಾಮಗಳನ್ನು ತಗ್ಗಿಸುವಲ್ಲಿ ಸಂರಕ್ಷಣೆಯು ಪ್ರಮುಖ ಪಾತ್ರವನ್ನು ವಹಿಸುತ್ತದೆ.

  ನೈಸರ್ಗಿಕ ಸಂಪನ್ಮೂಲಗಳ ದೀರ್ಘಾವಧಿಯ ಕಾರ್ಯಸಾಧ್ಯತೆಯನ್ನು ಖಚಿತಪಡಿಸಿಕೊಳ್ಳಲು ಕೃಷಿ, ಅರಣ್ಯ, ಮೀನುಗಾರಿಕೆ ಮತ್ತು ಉದ್ಯಮದಲ್ಲಿ ಸುಸ್ಥಿರ ಅಭ್ಯಾಸಗಳನ್ನು ಅಳವಡಿಸಿಕೊಳ್ಳುವುದು ಅತ್ಯಗತ್ಯ. ಇದು ಜವಾಬ್ದಾರಿಯುತ ಸಂಪನ್ಮೂಲ ನಿರ್ವಹಣೆ, ತ್ಯಾಜ್ಯ ಕಡಿತ ಮತ್ತು ಪರಿಸರ ಸ್ನೇಹಿ ತಂತ್ರಜ್ಞಾನಗಳನ್ನು ಉತ್ತೇಜಿಸುವುದನ್ನು ಒಳಗೊಂಡಿದೆ.

ಪರಿಸರ ಸಂರಕ್ಷಣೆಯು ವ್ಯಕ್ತಿಗಳು, ಸಮುದಾಯಗಳು,  ಮತ್ತು ಸರ್ಕಾರಗಳಿಂದ ಸಕ್ರಿಯ ಭಾಗವಹಿಸುವಿಕೆಯ ಅಗತ್ಯವಿರುವ ಒಂದು ಸಾಮೂಹಿಕ ಪ್ರಯತ್ನವಾಗಿದೆ. ಶಿಕ್ಷಣ, ಜಾಗೃತಿ ಅಭಿಯಾನಗಳು ಮತ್ತು ಸಮುದಾಯ-ಆಧಾರಿತ ಸಂರಕ್ಷಣಾ ಉಪಕ್ರಮಗಳು ತಿಳುವಳಿಕೆಯುಳ್ಳ ಆಯ್ಕೆಗಳನ್ನು ಮಾಡಿಕೊಂಡು ಅರ್ಥಪೂರ್ಣ ಕ್ರಮಗಳನ್ನು ತೆಗೆದುಕೊಳ್ಳಬೇಕಿದೆ.

  ಸ್ಥಳೀಯ, ರಾಷ್ಟ್ರೀಯ ಮತ್ತು ಜಾಗತಿಕ ಮಟ್ಟದಲ್ಲಿ ಸಂರಕ್ಷಣೆ, ಸುಸ್ಥಿರ ಅಭಿವೃದ್ಧಿ ಮತ್ತು ಪರಿಸರ ಸಂರಕ್ಷಣೆಯನ್ನು ಉತ್ತೇಜಿಸಲು  ನಮ್ಮ ಸಮುದಾಯದಲ್ಲಿ ಮರ ನೆಡುವ ಕಾರ್ಯಗಳನ್ನು, ಬೀಚ್ ಸ್ವಚ್ಛಗೊಳಿಸುವಿಕೆಗಳು, ವನ್ಯಜೀವಿ ಮೇಲ್ವಿಚಾರಣಾ ಕಾರ್ಯಕ್ರಮಗಳು ಮತ್ತು ಇತರ ಸಂರಕ್ಷಣಾ ಚಟುವಟಿಕೆಗಳನ್ನು ಹಮ್ಮಿಕೊಂಡು  ಭಾಗವಹಿಸೋಣ. 

ನಾವು ವಿಶ್ವ ಪ್ರಕೃತಿ ಸಂರಕ್ಷಣಾ ದಿನವನ್ನು ಆಚರಿಸುತ್ತಿರುವಾಗ, ನಮ್ಮ ಇಂದಿನ ಕ್ರಿಯೆಗಳು ನಾಳಿನ ಜಗತ್ತನ್ನು ರೂಪಿಸುತ್ತವೆ ಎಂಬುದನ್ನು ಮನಗಾಣುವುದು ಅತ್ಯಗತ್ಯ. ಸಂರಕ್ಷಣೆ ಮತ್ತು ಸುಸ್ಥಿರತೆಗೆ ಆದ್ಯತೆ ನೀಡುವ ಮೂಲಕ, ಭವಿಷ್ಯದ ಪೀಳಿಗೆಗೆ  ನಾವು ಆರೋಗ್ಯಕರ ಗ್ರಹವನ್ನು ಬಿಟ್ಟು ಕೊಡಬಹುದು.  ನಮ್ಮ ಗ್ರಹದ ಅಮೂಲ್ಯ ಸಂಪನ್ಮೂಲಗಳನ್ನು ರಕ್ಷಿಸಲು ಮತ್ತು ಪೋಷಿಸಲು ನಾವು ಇಂದೇ ಪಣ ತೊಡಬೇಕಿದೆ.  ಪ್ರಕೃತಿಯ ಸ್ವಾಭಾವಿಕ ಮೌಲ್ಯವನ್ನು ಗೌರವಿಸುವ ಮತ್ತು ಮಾನವೀಯತೆ ಮತ್ತು ನೈಸರ್ಗಿಕ ಪ್ರಪಂಚದ ನಡುವೆ ಸಾಮರಸ್ಯದ ಸಹಬಾಳ್ವೆಯನ್ನು ಬೆಳೆಸುವ ಸಂರಕ್ಷಣೆಯ ಸಂಸ್ಕೃತಿಯನ್ನು ಅಳವಡಿಸಿಕೊಳ್ಳೋಣ. ಈ ವಿಶ್ವ ಪ್ರಕೃತಿ ಸಂರಕ್ಷಣಾ ದಿನದಂದು ಪ್ರಕೃತಿಯ  ಸಂರಕ್ಷಣೆಗೆ ನಮ್ಮ ಬದ್ಧತೆಯನ್ನು ಪುನರುಚ್ಚರಿಸೋಣ ಮತ್ತು ಹೆಚ್ಚು ಸಮರ್ಥನೀಯ ಮತ್ತು ಚೇತರಿಸಿಕೊಳ್ಳುವ ಭವಿಷ್ಯದ ಕಡೆಗೆ ಧನಾತ್ಮಕ ಬದಲಾವಣೆಯನ್ನು ಪ್ರೇರೇಪಿಸೋಣ.

ಮುಗಿಸುವ ಮುನ್ನ

ನೆಟ್ಟು ಬಿಡು

ಕನಿಷ್ಠಪಕ್ಷ ಒಂದು ಮರ|

ಪರಿಸರ ಸಂರಕ್ಷಣಾ

ಕಾರ್ಯಕ್ರಮದಲ್ಲಿ

ನೀನಾಗುವೆ ಅಮರ||

ಸಿಹಿಜೀವಿ ವೆಂಕಟೇಶ್ವರ

ತುಮಕೂರು

990092529

ಕನ್ನಡಿಗರ ಹೆಮ್ಮೆಯ ಬೇಲೂರು ಹಾಗೂ ಹಳೇಬೀಡಿನ ದೇಗುಲಗಳು

 

ಕನ್ನಡಿಗರ ಹೆಮ್ಮೆಯ ಹಳೇಬೀಡಿನ ದೇಗುಲ 

ಯುನೆಸ್ಕೋ ಸಂಸ್ಥೆಯು ಪ್ರಪಂಚದಾದ್ಯಂತ ಸಾಂಸ್ಕೃತಿಕ ಪರಂಪರೆಯನ್ನು ಉಳಿಸಿ ಬೆಳೆಸಲು ವಿಶ್ವ ಪಾರಂಪರಿಕ ತಾಣಗಳನ್ನು ಗುರುತಿಸಿ ಅವುಗಳ ಅಭಿವೃದ್ಧಿಪಡಿಸಿ  ಮುಂದಿನ ಪೀಳಿಗೆಗೆ ಹಸ್ತಾಂತರ ಮಾಡುವ ಮಹತ್ವದ ಕಾರ್ಯಕ್ರಮ ಹಮ್ಮಿಕೊಂಡಿದೆ.

ಇದರ ಅಂಗವಾಗಿ ಪ್ರತಿವರ್ಷ ಒಂದೊಂದು ದೇಶದಲ್ಲಿ ಸಮ್ಮೇಳನ ನಡೆಸಿಕೊಂಡು ಬಂದಿದೆ. 

ನಮ್ಮ  ದೇಶದಲ್ಲಿ ಮೊದಲ ಬಾರಿಗೆ ಯುನೆಸ್ಕೋದ ವಿಶ್ವಪಾರಂಪರಿಕ ಸಮ್ಮೇಳನವು

  ಜುಲೈ 21ರಿಂದ 31ರವರೆಗೆ ದೆಹಲಿಯಲ್ಲಿ 46ನೇ ವಿಶ್ವ ಪಾರಂಪರಿಕ ಸಮ್ಮೇಳನ  ನಡೆಯಲಿದ್ದು  ದೇಶದ 3 ವಿಶ್ವಪಾರಂಪರಿಕತಾಣಗಳಪ್ರದರ್ಶನ ಸಮ್ಮೇಳನದಲ್ಲಿನಡೆಯಲಿದೆ. ಅದರಲ್ಲಿ ಕರ್ನಾಟಕದ ಹಳೇಬೀಡಿನ ಹೊಯ್ಸಳ ದೇಗುಲ ಕೂಡ ವರ್ಚುವಲ್ರಿ ಯಾಲಿಟಿಯಲ್ಲಿ ಪ್ರದರ್ಶನಗೊಳ್ಳಲಿದೆ.

ಸಮ್ಮೇಳನದಲ್ಲಿ ವಿಶ್ವ ಪಾರಂಪರಿಕ ಪಟ್ಟಿ

ಯಲ್ಲಿನ ಒಟ್ಟು 27 ತಾಣಗಳನ್ನು ಎಆರ್ 

ಮತ್ತು ವಿಆ‌ರ್ ತಂತ್ರಜ್ಞಾನದ ಮೂಲಕ ತೋರಿಸಲಾಗುತ್ತದೆ. ಭಾರತದಿಂದ 3

ಪಾರಂಪರಿಕ ತಾಣಗಳು ಸಾಂಸ್ಕೃತಿಕ ತಾಣಗಳ ವಿಭಾಗದಲ್ಲಿ ಆಯ್ಕೆಯಾಗಿದ್ದು, ಅದರಲ್ಲಿ

ಕರ್ನಾಟದ ಇತಿಹಾಸ ಪ್ರಸಿದ್ಧ ಹಳೆಬೀಡಿನ ಹೊಯ್ಸಳ ದೇಗುಲ ಕೂಡ ಸೇರಿದೆ. ಈ

ಕಾರ್ಯಕ್ರಮಕ್ಕೆ ಲಾಂಛನವಾಗಿ ಹಂಪಿಯ ಕಲ್ಲಿನ ರಥವನ್ನು ಬಳಸಿಕೊಂಡಿರುವುದು ಕನ್ನಡಿಗರಿಗೆ ಇನ್ನೂ ಹೆಚ್ಚಿನ ಸಂತಸ ನೀಡಿದೆ.

 

ಸಿಹಿಜೀವಿಯ ಹನಿಗಳು

 

ಪಂಚೆ ನಮ್ಮ ಅಸ್ಮಿತೆ 

ಓ ಮಾಲಿನ ಮಾಲಿಕರೆ

ರೈತ ಪಂಚೆ ಉಟ್ಟು ಬಂದರೆ

ತೆಗೆಯಬೇಡಿ ಕ್ಯಾತೆ|

ಮನದಟ್ಟು ಮಾಡಿಕೊಳ್ಳಿ 

ಪಂಚೆ ನಮ್ಮ ಅಸ್ಮಿತೆ||

ಕಾಯುತ್ತ ಕೂರಬೇಡ

ಸಿಗಲಿಲ್ಲವೆಂದು ಅವಕಾಶ|

ಸತತ ಪ್ರಯತ್ನ ಪಡುತ್ತಲಿದ್ದರೆ 

ಮುಟ್ಟಿಬಿಡಬಹುದು ಆಕಾಶ||

ಸಿಹಿಜೀವಿ ವೆಂಕಟೇಶ್ವರ 

ತುಮಕೂರು

ವಾಕಿಂಗ್ ಲೈಬ್ರರಿ #walking library

 

ವಾಕಿಂಗ್ ಲೈಬ್ರರಿ.

ನಮ್ಮ ಕನ್ನಡದ ಸಾಹಿತಿಗಳಾದ ಗಳಗನಾಥರು ತಲೆಯ ಮೇಲೆ ಪುಸ್ತಕ ಹೊತ್ತು ಮಾರಾಟ ಮಾಡಿ ಕನ್ನಡ ಸೇವೆಯ ಮಾಡುತ್ತಾ ಪುಸ್ತಕ ಓದುವ ಸಂಸ್ಕೃತಿ ಬೆಳೆಸಿದ್ದು ನಮಗೆಲ್ಲ ತಿಳಿದಿದೆ.

 1930 ರ ದಶಕದಲ್ಲಿ ಲಂಡನ್‌ನಲ್ಲಿನ "ವಾಕಿಂಗ್ ಲೈಬ್ರರಿ" ಪರಿಕಲ್ಪನೆಯು ಪುಸ್ತಕಗಳನ್ನು ತಮ್ಮೊಂದಿಗೆ ಕೊಂಡೊಯ್ಯುವ ಮತ್ತು ವಿವಿಧ ಸ್ಥಳಗಳಲ್ಲಿ ಸಾರ್ವಜನಿಕರಿಗೆ ನೀಡುವ ವ್ಯಕ್ತಿಗಳನ್ನು ಕಾಣಬಹುದಾಗಿತ್ತು. ಇವರೇ ವಾಕಿಂಗ್ ಲೈಬ್ರರಿ!  ಈ ವಾಕಿಂಗ್ ಲೈಬ್ರರಿಗಳು ಮೂಲಭೂತವಾಗಿ ಮೊಬೈಲ್ ಗ್ರಂಥಾಲಯಗಳಾಗಿದ್ದು, ಸಾಂಪ್ರದಾಯಿಕ ಗ್ರಂಥಾಲಯಗಳಿಗೆ ಸುಲಭ ಪ್ರವೇಶವನ್ನು ಹೊಂದಿರದ ಜನರಿಗೆ ಪುಸ್ತಕಗಳನ್ನು ತಲುಪಿಸುವ ಮಹತ್ಕಾರ್ಯ ಮಾಡುತ್ತಿದ್ದವು.

 

 ಜನರಲ್ಲಿ ಸಾಕ್ಷರತೆ ಮತ್ತು ಓದುವ ಪ್ರೀತಿಯನ್ನು ಉತ್ತೇಜಿಸುವುದು ಇದರ ಉದ್ದೇಶವಾಗಿತ್ತು.  ವಾಕಿಂಗ್ ಲೈಬ್ರರಿಗಳಾಗಿ ಕಾರ್ಯನಿರ್ವಹಿಸುವ ವ್ಯಕ್ತಿಗಳು ಬೀದಿಗಳು, ಉದ್ಯಾನವನಗಳು ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಸಂಚರಿಸುತ್ತಾ, ಪುಸ್ತಕಗಳನ್ನು ಕೊಡುತ್ತಿದ್ದರು.ಅನಿವಾರ್ಯ ಕಾರಣದಿಂದಾಗಿ  ಗ್ರಂಥಾಲಯಗಳಿಗೆ  ಭೇಟಿ ಮಾಡಲು ಸಾಧ್ಯವಾಗದವರಿಗೆ ಈ ವಾಕಿಂಗ್ ಗ್ರಂಥಾಲಯಗಳು ವರದಾನವಾಗಿದ್ದವು.

 

 1930 ರ ದಶಕವು ಆರ್ಥಿಕ ಸವಾಲುಗಳಿಂದ ಗುರುತಿಸಲ್ಪಟ್ಟ ಅವಧಿಯಾಗಿತ್ತು. ಅಂತಹ ನವೀನ ಆಲೋಚನೆಗಳು ಜನಸಾಮಾನ್ಯರಿಗೆ ಸಾಂಸ್ಕೃತಿಕ ಮತ್ತು ಶೈಕ್ಷಣಿಕ ಸಂಪನ್ಮೂಲಗಳನ್ನು ಒದಗಿಸುವಲ್ಲಿ ನಿರ್ಣಾಯಕ ಪಾತ್ರವನ್ನು ವಹಿಸಿದವು.  ವಾಕಿಂಗ್ ಲೈಬ್ರರಿಗಳು ಸಮುದಾಯದ ಪ್ರಜ್ಞೆಯನ್ನು ಬೆಳೆಸಿದವು ಮತ್ತು ಕಲಿಕೆಯ ಅನುಭವಗಳನ್ನು ಹಂಚಿಕೊಂಡವು.

ಪ್ರಸ್ತುತ ಭಾರತದ ಇತರೆ ನಗರಗಳಲ್ಲಿ ಮೊಬೈಲ್ ಲೈಬ್ರರಿಗಳು ಕಾರ್ಯನಿರತವಾಗಿವೆ. ಬೆಂಗಳೂರಿನಲ್ಲಿ ಬಸ್ಸುಗಳ ಮೇಲೆ ಸಂಚರಿಸುವ ಸಂಚಾರಿ ಮೊಬೈಲ್ ಕಾಣಬಹುದು. ಗುಜರಿ ನೀತಿಯ ಪರಿಣಾಮವಾಗಿ ಹಳೆಯ ಬಸ್ ಗಳಲ್ಲಿನ ಸಂಚಾರಿ ಗ್ರಂಥಾಲಯಗಳು ನಿಂತಲ್ಲೇ ನಿಲ್ಲುವಂತಾಗಿದ್ದು ಇವುಗಳು ಚಲಿಸಲು ಸಂಬಂಧಿಸಿದವರು ಸೂಕ್ತ ಕ್ರಮ ಕೈಗೊಳ್ಳಬೇಕಿದೆ.ಮೊಬೈಲ್ ಲೈಬ್ರರಿ  ಪರಿಕಲ್ಪನೆ ಸಾಕಾರಗೊಳಿಸಲು ಕೆಲ ಖಾಸಗಿ ಸಂಸ್ಥೆಗಳು ಮತ್ತು ಪ್ರಕಾಶನ ಸಂಸ್ಥೆಗಳು ಪ್ರಯತ್ನ ಪಡುತ್ತಿರುವುದು ಆಶಾದಾಯಕ ಬೆಳೆವಣಿಗೆ. ಈ ನಿಟ್ಟಿನಲ್ಲಿ ವೀರಲೋಕ ಬುಕ್ಸ್ ನ ವೀರಕಪುತ್ರ ಶ್ರೀನಿವಾಸ್ ರವರು ಇಲ್ಲಿ ಉಲ್ಲೇಖಾರ್ಹ. ಬೆಂಗಳೂರಿನ ಪ್ರಮುಖ ಕಡೆಗಳಲ್ಲಿ ಹಾಗೂ ರಾಜ್ಯದ ವಿವಿಧೆಡೆ ಮೊಬೈಲ್ ಲೈಬ್ರರಿಗಳು ಹೆಚ್ಚಾಗಲಿ ಎಲ್ಲೆಡೆಯೂ ಜ್ಞಾನ ಪಸರಿಸಲಿ ಎಂದು ಆಶಿಸೋಣ.

 ಸಿಹಿಜೀವಿ ವೆಂಕಟೇಶ್ವರ

ತುಮಕೂರು

9900925529

#kannada #books #booklover #library #walking #Veeraloka #sihijeevi #tumkur

ನಂಜುಂಡಪ್ಪನವರು

 

ಬೆನ್ನುಡಿ.

ನಂಜುಂಡಪ್ಪನವರು ಸರಳ ಸಜ್ಜನ ಅದ್ಯಾತ್ಮ ಸಾಧಕರು.ಕಳೆದ ಐದು ವರ್ಷಗಳ ಅವರ ಒಡನಾಟದಲ್ಲಿ ಅವರೊಂದಿಗೆ ಮಾತನಾಡುತ್ತಾ ಕುಳಿತರೆ ಅವರ ವ್ಯಕ್ತಿತ್ವ ಅನಾವರಣಗೊಳ್ಳುವುದು. ಅವರ ಮಾತುಗಳಲ್ಲಿ  ದೇಶಭಕ್ತಿ, ಯುವಕರ ಬಗ್ಗೆ ಕಾಳಜಿ, ಅದ್ಯಾತ್ಮದ ವಿಷಯಗಳು ಹೆಚ್ಚು ಕಂಡು ಬರುತ್ತವೆ.ಅವರೊಂದಿಗೆ ಮಾತನಾಡುತ್ತಿದ್ದರೆ ನಮ್ಮಲ್ಲಿ ಹೊಸ ಚಿಂತನೆಗಳು ಮೂಡುತ್ತವೆ.

ಜೀವನದಲ್ಲಿ ಹಲವಾರು ಅಡೆತಡೆಗಳನ್ನು ಮೆಟ್ಟಿ ಸೋಲುಗಳನ್ನು ಸವಾಲಾಗಿ ಸ್ವೀಕರಿಸಿ ಯಶಸ್ವಿ, ಆದರ್ಶ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ.

ಅವರ ಜೀವನವೇ ಒಂದು ಪವಾಡದಂತೆ ನನಗನ್ನಿಸುತ್ತದೆ.

ನಿವೃತ್ತ ಅಂಗ್ಲ ಉಪನ್ಯಾಸಕರಾದ ಇವರು ಸಾವಿರಾರು ವಿದ್ಯಾರ್ಥಿಗಳಿಗೆ ಸಂಸ್ಕಾರದೊಂದಿಗೆ ಜ್ಞಾನವನ್ನು ನೀಡಿ ಅವರ ವ್ಯಕ್ತಿತ್ವ ಸುಧಾರಿಸಲು ಮಾರ್ಗದರ್ಶನ ನೀಡಿದ್ದಾರೆ. "ಪರೋಪಕಾರ್ಥಂ ಇದಮಿತ್ತಂ ಶರೀರಂ" ಎಂಬ ವಾಣಿಯಂತೆ ಪರೋಪಕಾರದಲ್ಲಿ ಇವರು ಎತ್ತಿದ ಕೈ. ದೇಶ ಸುತ್ತುವುದು ಕೋಶ ಓದುವುದು ಇವರ ಪ್ರಮುಖ ಹವ್ಯಾಸಗಳು.  ಇವರು ಪ್ರಸ್ತುತ ತಮ್ಮ ಚಾರ್ ಧಾಮ್ ಯಾತ್ರೆ ಮತ್ತು ಅಂಡಮಾನ್ ಪ್ರವಾಸ ಕಥನ ಬರೆದಿದ್ದಾರೆ. ಚಾರ್ ಧಾಮ್ ಯಾತ್ರೆಯ ಅವರ ಪ್ರವಾಸ ಕಥನ ಓದುವಾಗ ಒಬ್ಬ ಯೋಗಿಯ ಆತ್ಮಕಥೆ ಓದಿದ ಅನುಭವವಾಯಿತು.ಅಂತಹ ಸಾಧಕರ ಜೊತೆಯಲ್ಲಿ ಒಡನಾಡುವುದು ನಮ್ಮ ಭಾಗ್ಯ ಎಂದರೆ ಅತಿಶಯೋಕ್ತಿಯಲ್ಲ.

ನಾನು ಕಳೆದ ವರ್ಷ ಅಂಡಮಾನ್ ಗೆ ಅವರ ಜೊತೆಯಲ್ಲಿ ಪ್ರವಾಸ ಹೋಗಿದ್ದೆ. ಅವರ ಅಂಡಮಾನ್ ಪ್ರವಾಸದ ಅನುಭವಗಳನ್ನು ಓದುವಾಗ ನನ್ನ ಮನದ ಭಾವನೆಗಳೇನೋ ಎಂಬ ರೀತಿಯ ಸಾಮ್ಯತೆ ಕಂಡು ಸಂತಸವಾಯಿತು.ಅದರಲ್ಲೂ ಬಾರಾಟಂಗ್ ಐಲ್ಯಾಂಡ್‌ ನಲ್ಲಿ ಅವರಿಗಾದ ಅಲೌಕಿಕ ಅನುಭವಗಳನ್ನು ನಾವು ಓದಿಯೇ ತಿಳಿಯಬೇಕು. ಈಗಾಗಲೇ ಹಲವಾರು ಕವಿತೆ ಹಾಗೂ ಲೇಖನಗಳನ್ನು ಬರೆದಿರುವ ಇವರು ಅವುಗಳನ್ನು ಪ್ರಕಟ ಮಾಡಿರಲಿಲ್ಲ. ಗೆಳೆಯರ ಬಳಗದ ಒತ್ತಾಯದ ಮೇರೆಗೆ ಬರೆದ ಈ ಪ್ರವಾಸ ಕಥನ ಈಗ ಪ್ರಕಟವಾಗಿದೆ. ಇನ್ನೂ ಹೆಚ್ಚಿನ ಕೃತಿಗಳು ಇವರ ಲೇಖನಿಯಿಂದ ಹೊರಹೊಮ್ಮಿ ತಾಯಿ ಭುವನೇಶ್ವರಿಯ ಆಶೀರ್ವಾದ ಪಡೆಯಲಿ ಎಂದು ಮನಃಪೂರ್ವಕವಾಗಿ  ಹಾರೈಸುವೆ.

ಸಿಹಿಜೀವಿ ವೆಂಕಟೇಶ್ವರ

ಶಿಕ್ಷಕರು ಹಾಗೂ ಸಾಹಿತಿಗಳು

ತುಮಕೂರು

9900925529

ದ್ರಾವಿಡ್

 

ಗೋಡೆಯ ಹೆಮ್ಮೆಯ ನಡೆ.

ಭಾರತದ ಗೋಡೆ ನಿರಾಕರಿಸಿದೆ ಹೆಚ್ಚವರಿ ಎರಡೂವರೆಕೋಟಿ ಬಹುಮಾನದ ಮೊತ್ತ!

ಹಣದಾಸೆಗೆ ಆರೋಗ್ಯ ಹಾಳು    ಮಾಡುವ ಜಾಹಿರಾತುಗಳನ್ನು ನೀಡುವ ನಟ ನಟಿಯರು ಗಮನಿಸಬೇಕು ಇತ್ತ||

ಸಿಹಿಜೀವಿ ವೆಂಕಟೇಶ್ವರ

ತುಮಕೂರು

9900925529

ದೀಪದಾರಿಣಿ ಫ್ಲಾರೆನ್ಸ್ ನೈಟಿಂಗೇಲ್

 

ದೀಪದಾರಿಣಿ ಫ್ಲಾರೆನ್ಸ್ ನೈಟಿಂಗೇಲ್ 

ನನ್ನಮ್ಮ ನೂರಾರು ಹೆರಿಗೆ ಮಾಡಿಸಿದ ಮಹಾತಾಯಿ. ನಾನು ಬಾಲಕನಾಗಿದ್ದಾಗ ಆ ಸೇವೆಯ ಬಗ್ಗೆ ಅಷ್ಟೊಂದು ಮಾಹಿತಿಯಿರಲಿಲ್ಲ   ಫ್ಲಾರೆನ್ಸ್ ನೈಟಿಂಗೇಲ್ ಬಗ್ಗೆ ಓದಿ ತಿಳಿದಾಗ ನನ್ನಮ್ಮನ ಬಗ್ಗೆ ನನಗೆ ಇನ್ನೂ ಗೌರವ ಹೆಚ್ಚಾಯಿತು. 

ನೀವೂ ಫ್ಲಾರೆನ್ಸ್ ನೈಟಿಂಗೇಲ್ ಬಗ್ಗೆ ತಿಳಿಯಲು ಓದಿ.

ಫ್ಲಾರೆನ್ಸ್ ನೈಟಿಂಗೇಲ್  "ಲೇಡಿ ವಿತ್ ದಿ ಲ್ಯಾಂಪ್" ಎಂದೇ ಪ್ರಖ್ಯಾತರಾಗಿದ್ದ ಮಹಿಳೆ.ಜನನ ಇಟಲಿಯಲ್ಲಿ  1820 ರ ಮೇ 12 ರಂದು.ಶ್ರೀಮಂತ ಕುಟುಂಬದಲ್ಲಿ ಜನಿಸಿದ್ದರೂ,ತಮ್ಮ 17ನೇ ವಯಸ್ಸಿನಲ್ಲೇ ನರ್ಸಿಂಗ್ ವೃತ್ತಿಯನ್ನು ಆಯ್ಕೆ ಮಾಡಿಕೊಂಡರು.ಸಮಾಜದಲ್ಲಿ ಹಿಂದುಳಿದ ಹಾಗೂ ಬಡಜನರಿಗೆ ವೈದ್ಯಕೀಯ ನೆರವು ದೊರೆಯಬೇಕೆಂಬುದೇ ಇವರ ಧ್ಯೇಯವಾಗಿತ್ತು. 1858ರ ಅಕ್ಟೋಬರ್ 21ರಂದು ತಮ್ಮ 38 ನರ್ಸ್ ತಂಡದೊಂದಿಗೆ ಕ್ರಿಮಿಯನ್ ಯುದ್ಧದಲ್ಲಿ ಗಾಯಗೊಂಡ ಸೈನಿಕರನ್ನು ಶುಶ್ರೂಷೆ ಮಾಡಿದರು.ಮಿಲಿಟರಿ ಆಸ್ಪತ್ರೆಗಳ ಹಾಗೂ ಇತರ ಆಸ್ಪತ್ರೆಗಳ ಸುಧಾರಣೆಗೆ ಮಾರ್ಗದರ್ಶಿ ಸೂತ್ರಗಳನ್ನು ರೂಪಿಸಿ ಅವುಗಳನ್ನು ಜಾರಿಗೆ ತರಲು ಪ್ರಯತ್ನಿಸಿದಳು. ಇದಕ್ಕಾಗಿ ತನ್ನ ಜೀವಮಾನವನ್ನೇ ಮುಡಿಪಾಗಿಟ್ಟಳು. ಇಂದಿಗೂ ಈಕೆ ರೂಪಿಸಿದ ಸುಧಾರಣಾ ಕ್ರಮಗಳನ್ನು ಜಗತ್ತಿನ ಎಲ್ಲ ಆಸ್ಪತ್ರೆಗಳೂ ಒಂದಲ್ಲ ಒಂದು ರೀತಿಯಲ್ಲಿ ಅನುಸರಿಸುತ್ತಿವೆ. ಈ 'ದೀಪ ಧಾರಿಣಿ' ಇಟಲಿಯ ಫ್ಲಾರೆನ್ಸ್ ನಗರದಲ್ಲಿ ಹುಟ್ಟಿದ ಪ್ಲಾರೆನ್ಸ್ ನೈಟಿಂಗೇಲ್. ಇವರ ನೆನಪಿಗಾಗಿ ಲಂಡನ್‌ನ ವಾಟರ್‌ಲೂ ಅರಮನೆಯಲ್ಲಿ ಬೃಹತ್ ಪ್ರತಿಮೆ ನಿರ್ಮಿಸಲಾಗಿದೆ.

ತನ್ನ ಮನೆತನದ ವಿರೋಧದ ನಡುವೆಯು ತನ್ನ ಸಮಸ್ತ ಪ್ರತಿಷ್ಠೆ ಗೌರವ ಸಿರಿತನ ಹಾಗೂ ತನ್ನ ವೈಯಕ್ತಿಕ ಸುಖ ಸಂತೋಷವನ್ನು ಧಾರೆಯೆರೆದು ಇಂಗ್ಲೆಂಡಿನ ಹೈಸರ್‌ವರ್ಥ್ ನಗರದ ಲೂಥರನ್‌ ಆಸ್ಪತ್ರೆಯಲ್ಲಿ ದಾದಿಯರ ಶುಶ್ರೂಷೆ ಶಿಕ್ಷಣ ಶಾಲೆಗೆ ವಿದ್ಯಾರ್ಥಿನಿಯಾಗಿ ಸೇರ್ಪಡೆಗೊಂಡಳು. ತನ್ನ ಶ್ರದ್ಧೆ ಮತ್ತು ಅನುಪಮ ಸೇವೆಯಿಂದ ಶಿಕ್ಷಕರ ಪ್ರಶಂಸೆಗೆ ಪಾತ್ರಳಾದಳು. ತನ್ನ ಮನದಭಿಲಾಷೆಯಂತೆ ರೋಗಿಗಳ ಆರೈಕೆಯ ಸೇವೆಗೆ ಧುಮುಕಿದಳು. ಆ ಕಾಲದಲ್ಲಿ ಮಹಿಳೆಯರಿಗೆ ಸೇವೆ ಸಲ್ಲಿಸುವ ಅನುಮತಿ ಇರಲಿಲ್ಲ.ಪುರುಷ ಪ್ರಾಧಾನ್ಯತೆ ಹೊಂದಿದಂತಹ ಆ ಸಮಯದಲ್ಲಿ ನೈಟಿಂಗೇಲ್‌ ತನ್ನ ಮಾನವೀಯತೆಯ ಮಾತೃತ್ವದ ಅಮೋಘ ಸೇವೆಯಿಂದ ಮನಗೆದ್ದು ಮಹಿಳೆಯರಿಗೆ ದಾದಿಯ ವೃತ್ತಿಗೆ ಅಡಿಪಾಯ ಹಾಕಿದಳು. ನೈಟಿಂಗೇಲ್‌ ಒಬ್ಬಂಟಿ ಮಹಿಳೆಯಾದರೂ ಧೃತಿಗೆಡದೆ ಯುದ್ಧ ಶಿಬಿರದಲ್ಲಿ ಸಲ್ಲಿಸಿದ ಸೇವೆಯಲ್ಲಿ ಇಡೀ ಸೈನಿಕರಿಗೆ ದೇವತೆಯಂತೆ ಕಂಡಳು. ಅಂದಿನ ಅಧಿಕಾರಷಾಹಿಗಳಿಗೆ ಯುದ್ಧದಲ್ಲಿ ಮತ್ತೊಂದು ಸಾಮ್ರ್ಯಾಜ್ಯವನ್ನು ಕಸಿದು ತಮ್ಮ ಪ್ರತಿಷ್ಠೆಯನ್ನು ಹೆಚ್ಚಿಸಿಕೊಳ್ಳುವ ಗುಣವಿತ್ತೇ ವಿನಃ ತಮಗಾಗಿ ಯುದ್ಧ ಮಾಡುವವನಿಗೆ ಏನಾಗಿದೆ ಆತನಿಗೆ ಪೆಟ್ಟು ಬಿದ್ದಾಗ ಏನು ಮಾಡಬೇಕೆಂಬುದರ ಕಾಳಜಿ ಇರಲಿಲ್ಲ. ರೋಗಿಗಳಲ್ಲಿ ತುಂಬಾ ಗಂಭೀರರಾದವರನ್ನು ಸಮುದ್ರದಲ್ಲಿ ಎಸೆದರೆ, ಸ್ವಲ್ಪ ತ್ರಾಣವಿರುವವರನ್ನು ತಿಂಗಳಾನುಗಟ್ಟಲೆ ಹಡಗಿನ ಪ್ರಯಾಣದಲ್ಲಿ ಸಾಗಿಸಿ ಪ್ರಾಣಿಗಳಿಗೂ ಸಹ್ಯವೆನಿಸದ ಅಮಾನುಷ ಸ್ಥಳಗಳಲ್ಲಿ ಯಾವುದೇ ಶುಶ್ರೂಷಾ ವ್ಯವಸ್ಥೆಯಿಲ್ಲದ ಸ್ಥಳಗಳಿಗೆ ದಬ್ಬುತ್ತಿದ್ದರು. ಸಾವಿರಾರು ಜನರಿಗೆ ಒಬ್ಬನೋ ಇಬ್ಬರೋ ವೈದ್ಯರಿದ್ದರೆ ಉಂಟು ಇಲ್ಲದಿದ್ದರಿಲ್ಲ. ಅಂಥಹ ಒಂದು ಯುದ್ಧದಲ್ಲಿ ಸ್ಕುಟಾರ್ ಎಂಬ ಸ್ಥಳದಲ್ಲಿ ಯುದ್ಧ ಗಾಯಾಳುಗಳನ್ನು ತುಂಬಿದ್ದ ಕೊಠಡಿಗೆ ಸಿಡ್ನಿ ಹರ್ಬರ್ಟ್ ಎಂಬ ಬ್ರಿಟಿಶ್ ಮಂತ್ರಿಮಂಡಲದ ಅಧಿಕಾರಿಯ ಮನವಿಯ ಮೇರೆಗೆ ಆಗಮಿಸಿದ ಫ್ಲಾರೆನ್ಸ್ ಮಾಡಿದ ಸುಧಾರಣೆ ಮನೋಜ್ಞ ಸೇವೆ ಚರಿತ್ರಾರ್ಹವಾದದ್ದು. 

ಬೃಹದಾಕಾರದ ಮಿಲಿಟರಿ ಆಸ್ಪತ್ರೆಯ ಕಟ್ಟಡವು ದೊಡ್ಡದಾಗಿತ್ತು. ಆದರೆ ಕನಿಷ್ಠ ಸೌಕರ್ಯವೂ ಇಲ್ಲದ ಆಸ್ಪತ್ರೆ. ಆಸ್ಪತ್ರೆಯ ಉದ್ದ ಸುಮಾರು 7 ಕಿಲೋಮೀಟರು. ಆಸ್ಪತ್ರೆಯಲ್ಲಿ ಸಾವಿರಾರು ಹಾಸಿಗೆಗಳು ಆದರೆ ಒಬ್ಬ ರೋಗಿಯ ಹಾಸಿಗೆಗೂ ಇನ್ನೊಬ್ಬ ರೋಗಿಯ ಹಾಸಿಗೆಗೂ ಇದ್ದ ಅಂತರ ಕೇವಲ 45 ಸೆಂಟಿಮೀಟರುಗಳು. ಇಂಥಹ ಆಸ್ಪತ್ರೆಯಲ್ಲಿ ಪ್ರತಿನಿತ್ಯ ರಾತ್ರಿಯ ಹೊತ್ತು ಆಕೆ ಕೈಯಲ್ಲಿ ದೀಪ ಹಿಡಿದು ಪ್ರತಿಯೊಂದು ಹಾಸಿಗೆಯ ಬಳಿ ಹೋಗುತ್ತಾಳೆ. ಪ್ರತಿಯೊಬ್ಬ ರೋಗಿಯನ್ನೂ ವಿಚಾರಿಸುತ್ತಾಳೆ. ಅವರಿಗೆ ಅಗತ್ಯವಾದ ಔಷದ ಮತ್ತು ಇತರ ವಸ್ತುಗಳನ್ನು ನೀಡುತ್ತಾಳೆ. ಮೆಲುದನಿಯಲ್ಲಿ ಅವರನ್ನು ಉಪಚರಿಸುತ್ತಾಳೆ. ಅವರಿಗೆ ಧೈರ್ಯ ತುಂಬುತ್ತಾಳೆ. ಸಾವಿನ ಹೊಸ್ತಿಲಲ್ಲಿರುವ ವ್ಯಕ್ತಿಗೆ ಆಗತಾನೇ ಚೇತರಿಸಿಕೊಳ್ಳುತ್ತಿರುವ ರೋಗಿಗೆ ಅವಳು ಮಾಡುತ್ತಿದ್ದ ಸೇವೆಯಿಂದ 'ಅವಳೊಬ್ಬ ದೇವತೆ' ಎನಿಸಿದ್ದರೆ ಆಶ್ಚರ್ಯವಿಲ್ಲ. ಪ್ರತಿದಿನ ಕತ್ತಲಾದೊಡನೆ ದೀಪವನ್ನು ಹಿಡಿದು ರೋಗಿಗಳನ್ನು ವಿಚಾರಿಸಲು ಬರುತ್ತಿದ್ದ ಈಕೆಯನ್ನು 'ದೀಪಧಾರಿಣಿ' ಎಂದೇ ಕರೆಯುತ್ತಿದ್ದರು.

ಭಾರತದಲ್ಲಿ ಸಿಪಾಯಿ ದಂಗೆಯ ಸಮಯದಲ್ಲೂ ಆಕೆ ಮಾಡಿದ ಸೇವೆ ಅಭೂತಪೂರ್ವವಾದದ್ದು. ಯಾವುದೇ ವ್ಯವಸ್ಥೆಗಳಿಲ್ಲದ, ಬೇಜವಾಬ್ದಾರಿಗಳ ಸರ್ಕಾರಿ ವ್ಯವಸ್ಥೆ, ಅಪಹಾಸ್ಯಗಳನ್ನು ಎದುರಿಸಿ ಕೂಡಾ, ಮಾನವೀಯ ಅನುಕಂಪ, ಸೇವಾ ಮನೋಭಾವನೆಗಳ ಹಾದಿಯಲ್ಲಿ ಬಂದ ಅಡೆತಡೆಗಳನ್ನೆಲ್ಲಾ ನಿವಾರಿಸಿ ಮಾನವ ಕುಲಕ್ಕೆ ಈಕೆ ಸಲ್ಲಿಸಿದ ಸೇವೆ ಇಡೀ ವಿಶ್ವವೇ ಬೆರಗಾಗುವಂತೆ ಮಾಡಿತು. ತನ್ನ ಸೇವೆಯಲ್ಲಿ ದೇವರನ್ನು ಕಂಡ ಈ ಮಹಾತಾಯಿ ಮುಂದೆ ಮಾನವ ಕುಲವನ್ನು ಸಲಹುತ್ತಿರುವ ಅನೇಕ ಮಾನವೀಯ ದಾದಿಯರ ಪ್ರತಿನಿಧಿಯಾಗಿ ಎಂದೆಂದೂ ನೆನಪಿನಲ್ಲಿ ಉಳಿಯುತ್ತಾಳೆ.

ಸಿಹಿಜೀವಿ ವೆಂಕಟೇಶ್ವರ

ತುಮಕೂರು

9900925529

#ಕಮಲಾದೇವಿ ಚಟ್ಟೋಪಾಧ್ಯಾಯ.

 

ವಂಡರ್ ಕಿಡ್ ೩

#kamaladevi

#freedom fighter 

ಕಮಲಾದೇವಿ ಚಟ್ಟೋಪಾಧ್ಯಾಯ.

 ಕರಕುಶಲ ಸಂಸ್ಕೃತಿ

ನ್ಯಾಷನಲ್ ಸ್ಕೂಲ್ ಆಫ್ ಡ್ರಾಮಾ, ಸಂಗೀತ ನಾಟಕ ಅಕಾಡೆಮಿ ಮತ್ತು ಸೆಂಟ್ರಲ್ ಕಾಟೇಜ್ ಇಂಡಸ್ಟ್ರೀಸ್ ಎಂಪೋರಿಯಂನಂತಹ ಭಾರತದ ದೀರ್ಘಕಾಲದ ಸಾಂಸ್ಕೃತಿಕ ಸಂಸ್ಥೆಗಳ ಬಗ್ಗೆ ನೀವು ಎಂದಾದರೂ ಯೋಚಿಸಿದ್ದರೆ ಅವುಗಳನ್ನು ಸ್ಥಾಪಿಸಿದ ಮಹಾನ್  ಮಹಿಳೆಯ ಬಗ್ಗೆ ನೀವು ತಿಳಿದುಕೊಳ್ಳಲು ಬಯಸಬಹುದು.

ಕಮಲಾದೇವಿಯವರು 1903 ರಲ್ಲಿ  ಕರ್ನಾಟಕದ ಕರಾವಳಿಯ  ಮಂಗಳೂರಿನಲ್ಲಿ ಜನಿಸಿದರು.

  ಅವರ ಅಜ್ಜಿ ಸಂಸ್ಕೃತ ಮತ್ತು ಕನ್ನಡದ ಸಾಂಪ್ರದಾಯಿಕ ಕೃತಿಗಳಾದ ಪುರಾಣಗಳು, ನಾಟ್ಯ ಶಾಸ್ತ್ರ, ರಾಮಾಯಣ ಮತ್ತು ಮಹಾಭಾರತದಂತಹ ಮಹಾಕಾವ್ಯಗಳು, ವಚನಗಳು ಮತ್ತು ಮಧ್ಯಕಾಲೀನ ವಿದ್ವಾಂಸರು ಬರೆದ ಇತರ ಗ್ರಂಥಗಳಲ್ಲಿ ಚೆನ್ನಾಗಿ ಪಾರಂಗತರಾಗಿದ್ದರು. ಕಮಲಾದೇವಿಯವರ ತಾಯಿ, ಗಿರಿಜಾಬಾಯಿ, ಹೆಣ್ಣುಮಕ್ಕಳಿಗೆ ಶಿಕ್ಷಣ ನೀಡುವ ಬಗ್ಗೆ ನಂಬಿಕೆಯಿಟ್ಟಿದ್ದರು, ಕಮಲಾದೇವಿಯು ತನ್ನ ಏಳನೇಯ ವಯಸ್ಸಿನಲ್ಲಿ  ತನ್ನ ತಂದೆಯನ್ನು ಕಳೆದುಕೊಂಡಾಗ  

ಗಿರಿಜಾ ಬಾಯಿ ಎದೆಗುಂದದೆ  ಹೆತ್ತವರಿಂದ ವಧುವಿನ ಉಡುಗೊರೆಯಾಗಿ ಪಡೆದ ಆಸ್ತಿಯ ಸಹಾಯದಿಂದ ತನ್ನ ಮಕ್ಕಳನ್ನು ಬೆಳೆಸಿದಳು.

ಕಮಲಾದೇವಿಗೆ ಹದಿನಾಲ್ಕು ವರ್ಷದವಳಿದ್ದಾಗ ಆ ದಿನಗಳಲ್ಲಿ ಸಂಪ್ರದಾಯದಂತೆ ಅವಳಿಗೆ ಮದುವೆ ಮಾಡಲಾಯಿತು. ಆದರೆ ಅವಳು ತನ್ನ ಗಂಡನನ್ನು ಬಹಳ ಬೇಗ ಕಳೆದುಕೊಂಡಳು. ನಂತರ ಅವಳು ತನ್ನ ತಾಯಿಯೊಂದಿಗೆ ಮದ್ರಾಸ್‌ಗೆ  ಹೋದಳು. ಅದು ಮುಂದಿನ ಕೆಲವು ವರ್ಷಗಳ ಕಾಲ ಅಲ್ಲೇ ವಾಸವಾಗಿದ್ದಳು.

ಕಮಲಾದೇವಿ ಚಟ್ಟೋಪಾಧ್ಯಾಯ ಅವರು ಜರ್ಮನಿ, ಚೀನಾ, ಜಪಾನ್ ಮತ್ತು ಯುಎಸ್ಎ ಸೇರಿದಂತೆ ಇತರ ದೇಶಗಳಿಗೆ ಭೇಟಿ ನೀಡಿದ ತಮ್ಮ ಕಾಲದ ಅತ್ಯಂತ ಹೆಚ್ಚು ಪ್ರಯಾಣಿಸಿದ ಮಹಿಳೆಯರಲ್ಲಿ ಒಬ್ಬರು.

ಮದ್ರಾಸ್‌ನಲ್ಲಿ ಕಮಲಾದೇವಿ ಅವರು ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡುತ್ತಿದ್ದ ಹಲವಾರು ವ್ಯಕ್ತಿಗಳನ್ನು ಭೇಟಿಯಾದರು. ಉದಾಹರಣೆಗೆ ಗೋಪಾಲ ಕೃಷ್ಣ ಗೋಖಲೆ, ಎಂ.ಜಿ. ರಾನಡೆ, ರಮಾಬಾಯಿ ರಾನಡೆ ಮತ್ತಿತರರು. ಕೇರಳದಿಂದ ಕುಟಿಯಾಟ್ಟಂನ ಪ್ರಾಚೀನ ಕಲಾ ಪ್ರಕಾರಕ್ಕೆ ಅವರು ಆಕರ್ಷಿತರಾಗಿ ಕಲಿತು ಅಭ್ಯಾಸ ಮಾಡಿದರು.  ಇದು ಮೌಖಿಕ ಕಥೆ ಹೇಳುವಿಕೆಯೊಂದಿಗೆ ಪ್ರದರ್ಶನವನ್ನು ಹೊಂದಿದ ಕಲಾ ಪ್ರಕಾರವಾಗಿತ್ತು.

ಆ ಕಾಲದಲ್ಲಿ ಮರುಮದುವೆಯಾಗುವುದನ್ನು ಸಮಾಜ ಅಷ್ಟು ಸುಲಭವಾಗಿ ಒಪ್ಪುತ್ತಿರಲಿಲ್ಲ.ಕಮಲಾ  

 ಮರುಮದುವೆಯಾಗುವ ಮೂಲಕ  ಟೀಕೆಗಳನ್ನು ಧೈರ್ಯದಿಂದ ಎದುರಿಸಿದಳು. ಕೆಲವು ವರ್ಷಗಳ ನಂತರ ಅವರು ಸಮಾಜಶಾಸ್ತ್ರದಲ್ಲಿ ಪದವಿಗಾಗಿ ಇಂಗ್ಲೆಂಡ್ಗೆ ತೆರಳಿದರು.

ಸ್ವಾತಂತ್ರ್ಯ ಹೋರಾಟದ ಸಮಯದಲ್ಲಿ, ಕಮಲಾದೇವಿ ಅವರು ಉಚ್ಚ ನ್ಯಾಯಾಲಯದ ಮ್ಯಾಜಿಸ್ಟ್ರೇಟ್‌ಗೆ ಹೋಗಿ ಗಾಂಧಿಯವರ ದಂಡಿ ಮೆರವಣಿಗೆಯಲ್ಲಿ ಉಪ್ಪಿನ ಕಾನೂನನ್ನು ಉಲ್ಲಂಘಿಸಿ ಮಾಡಿದ 'ಸ್ವಾತಂತ್ರ್ಯ ಉಪ್ಪನ್ನು' ಅವರಿಗೆ ಅರ್ಪಿಸಿದರು. 1930 ರ ಜನವರಿ 26 ರಂದು ಪೂರ್ಣ ಸ್ವರಾಜ್ ದಿನದಂದು ಭಾರತೀಯ ಪ್ರತಿಭಟನಾಕಾರರು ಮತ್ತು ಬ್ರಿಟಿಷ್ ಅಧಿಕಾರಿಗಳ ನಡುವೆ ಹೋರಾಟ ನಡೆದಾಗ ಅವರು ಭಾರತೀಯ ತ್ರಿವರ್ಣ ಧ್ವಜವನ್ನು ಹಿಡಿದು ಹೆಮ್ಮೆಯಿಂದ ಹೋರಾಡಿದರು.

ಭಾರತದ ಸ್ವಾತಂತ್ರ್ಯದ ನಂತರ ಕಾರ್ಖಾನೆಆಧಾರಿತ ಸಾಮೂಹಿಕ ಉತ್ಪಾದನೆಯು ಭಾರತದ ಕರಕುಶಲ ವಸ್ತುಗಳನ್ನು ನಾಶಪಡಿಸಬಹುದು ಎಂದು ಆತಂಕ ವ್ಯಕ್ತಪಡಿಸಿದರು  ಮತ್ತು ಕರಕುಶಲ ವಸ್ತುಗಳ ಬಗ್ಗೆ ಜ್ಞಾನದ ಮಾಹಿತಿ ನೀಡುವ  ಕಾರ್ಯನಿರ್ವಹಿಸಲು ಕರಕುಶಲ ವಸ್ತುಸಂಗ್ರಹಾಲಯಗಳನ್ನು ಸ್ಥಾಪಿಸಲು ಪ್ರಯತ್ನಿಸಿ ಯಶಸ್ವಿಯಾದರು. ಸಾಂಪ್ರದಾಯಿಕ ಕಲೆ, ಸಾಹಿತ್ಯ ಮತ್ತು ರಂಗಭೂಮಿ ಶೈಲಿಗಳನ್ನು ಸಂರಕ್ಷಿಸಲು ಪ್ರಮುಖ ಸಂಸ್ಥೆಗಳ ಜೊತೆಗೆ ಅಖಿಲ ಭಾರತ ಕರಕುಶಲ ಮಂಡಳಿಯನ್ನು ಸ್ಥಾಪಿಸಲು ಅವರು ಸಹಾಯ ಮಾಡಿದರು.

ಕಲ್ಪನಾ ಚಾವ್ಲಾ

 

ವಂಡರ ಕಿಡ್ಸ್ ೨

ಕಲ್ಪನಾ ಚಾವ್ಲಾ 

ಅದ್ಭುತ ಗಗನಯಾತ್ರಿ

2 ಮೇ 1997 ರಂದು ಕಲ್ಪನಾ ಚಾವ್ಲಾ ಬಾಹ್ಯಾಕಾಶ ನೌಕೆ ಕೊಲಂಬಿಯಾ ಅಂತರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಟೇಕಾಫ್ ಮಾಡಿದಾಗ ಇತಿಹಾಸವನ್ನು ಸೃಷ್ಟಿಸಿದರು. ಇವರು ಬಾಹ್ಯಾಕಾಶಕ್ಕೆ ಹೋದ ಮೊದಲ ಭಾರತೀಯ ಮೂಲದ ಮಹಿಳೆ.

ಕಲ್ಪನಾಳ ಬಾಲ್ಯವು ಹರಿಯಾಣದ ಚಿಕ್ಕ ಪಟ್ಟಣವಾದ ಕರ್ನಾಲ್‌ನಲ್ಲಿ ಕಳೆದಿತ್ತು. ಆಕೆಯ ತಂದೆ ಬನಾರಸಿ ಲಾಲ್ ಚಾವ್ಲಾ ಅವರು ಮೊದಲು  ಸಣ್ಣ ಪ್ರಮಾಣದಲ್ಲಿ ಉದ್ಯಮ ಸ್ಥಾಪಿಸಿ ಕ್ರಮೇಣವಾಗಿ  ಒಂದು   ಟೈರ್ ಕಂಪನಿಯನ್ನು ಸ್ಥಾಪಿಸಿದರು. ಕಲ್ಪನಾ ಅವರ ಬೆಳವಣಿಗೆಯ ವರ್ಷಗಳಲ್ಲಿ ಅವರ ತಂದೆ ವ್ಯವಹಾರದಲ್ಲಿ ಬಿಡುವಿರದ ಕಾರ್ಯದೊತ್ತಡದ ನಡುವೆಯೂ  ಆಗಾಗ್ಗೆ  ತಮ್ಮ ಮಕ್ಕಳ  ಶಿಕ್ಷಣದ ಕಡೆಗೆ ಗಮನ ನೀಡಿ ಪ್ರೋತ್ಸಾಹಿಸಿದರು. ಕಲ್ಪನಾರ  ತಾಯಿ ಸಂಯೋಗಿತಾ ಕೂಡ ಹೆಣ್ಣು ಮಕ್ಕಳಿಗೆ ಶಿಕ್ಷಣ ನೀಡಲೇಬೇಕೆಂದು ದೃಢವಾದ ನಿಶ್ಚಯಿಸಿದ್ದರು.ಆಕೆಯ ಅಕ್ಕ ಸುನೀತಾ ಮೊದಲು ಕಾಲೇಜಿಗೆ ಹೋಗುವ ಮೂಲಕ ಕುಟುಂಬದಲ್ಲಿನ ಸಂಪ್ರದಾಯವನ್ನು ಮುರಿದರು. ಕಲ್ಪನಾ ಅವರ ಮನೆಯ ಸಮೀಪದಲ್ಲಿರುವ ಕರ್ನಾಲ್ ಫ್ಲೈಯಿಂಗ್ ಕ್ಲಬ್‌ನಲ್ಲಿರುವ ಸಣ್ಣ ವಿಮಾನಗಳು ಮತ್ತು ಗ್ಲೈಡರ್‌ಗಳಿಂದ ಯಾವಾಗಲೂ ಆಕರ್ಷಿತರಾಗಿದ್ದರು. ಅವರು ತಮ್ಮ ಮನೆಯ ಮೇಲೆ ಹಾರುತ್ತಿರುವುದನ್ನು ಅವಳು ನೋಡುತ್ತಾ  ಮತ್ತು ಆಗಾಗ್ಗೆ ಅವುಗಳೆಡೆಗೆ ಆಸಕ್ತಿ ಬೆಳೆಸಿಕೊಂಡಳು. ಶಾಲೆಯ  ತರಗತಿಯಲ್ಲಿ ಇತರ ಮಕ್ಕಳು ಮನೆಗಳು, ಮರಗಳು, ಪರ್ವತಗಳು ಮತ್ತು ಕಾಡುಗಳು ಮುಂತಾದ ಹೆಚ್ಚು ಪರಿಚಿತ ವಸ್ತುಗಳನ್ನು ಚಿತ್ರಿಸುತ್ತಿದ್ದಾಗ  ಕಲ್ಪನಾ ಏರೋಪ್ಲೇನ್ ನ ಚಿತ್ರಗಳನ್ನು ಬಿಡಿಸುತ್ತಿದ್ದರು.

"ನೀವು ಏನನ್ನಾದರೂ ಮಾಡಲು ಬಯಸಿದರೆ, ಅದನ್ನು ಪಡೆಯಲು ಯಾವ  ಸ್ಥಾನದಲ್ಲಿದ್ದೀರಿ ಎಂಬುದು ಮುಖ್ಯ"

 

 ಬೇಸಿಗೆಯ ರಾತ್ರಿಗಳಲ್ಲಿ ಕುಟುಂಬದ ಸದಸ್ಯರೊಂದಿಗೆ  ತಮ್ಮ ಟೆರೇಸ್‌ ಮೇಲೆ ಮಲಗಿದಾಗ  ಕಲ್ಪನಾ ಸದಾ ಮಿನುಗುವ   ನಕ್ಷತ್ರಗಳಿಂದ ಆಕರ್ಷಿತಳಾದಳು.

ಒಮ್ಮೆ  ಕಲ್ಪನಾಳ ತಂದೆ ಅವಳನ್ನು ಕರ್ನಾಲ್ ಫ್ಲೈಯಿಂಗ್ ಕ್ಲಬ್‌ ಗೆ ಕರೆದುಕೊಂಡು ಹೋಗಿ ಲಘು ವಿಮಾನದಲ್ಲಿ ಕೂರಿಸಿದರು. ಟೇಕ್ ಆಫ್ ಆದ ಕ್ಷಣ  ಅವಳ  ಜೀವನದ ಅತ್ಯಂತ ರೋಮಾಂಚಕ ಕ್ಷಣವಾಗಿತ್ತು. ಅಂದಿನಿಂದ ಅವಳು "ಫ್ಲೈಟ್ ಇಂಜಿನಿಯರ್" ಎಂದು ನಿರ್ಧರಿಸಿಬಿಟ್ಟಳು.

  

ತನ್ನ ಗುರಿ ತಲುಪಲು ಓದಿದ ಕಲ್ಪನ ಬಹಳ ಬುದ್ದಿವಂತೆಯಾಗಿದ್ದಳು. ತನ್ನ ಕಾಲೇಜಿನಲ್ಲಿ ಏರೋನಾಟಿಕಲ್ ಇಂಜಿನಿಯರಿಂಗ್ ಓದುತ್ತಿದ್ದ ಏಕೈಕ ಹುಡುಗಿ ಇವರಾಗಿದ್ದರು. ತನ್ನ ಪದವಿಯ ನಂತರ ಅವರು ಹೆಚ್ಚಿನ ಅಧ್ಯಯನಕ್ಕಾಗಿ USA ಗೆ ತೆರಳಿದರು. 1995 ರಲ್ಲಿ ಅವರು ಅಲ್ಲಿ ನ್ಯಾಷನಲ್ ಏರೋನಾಟಿಕ್ಸ್ ಮತ್ತು ಸ್ಪೇಸ್ ಅಡ್ಮಿನಿಸ್ಟ್ರೇಷನ್ (NASA) ಗೆ ಸೇರಿಕೊಂಡರು ಮತ್ತು ಗಗನಯಾತ್ರಿಯಾಗಿ ತರಬೇತಿಯನ್ನು ಪ್ರಾರಂಭಿಸಿದರು.

ಫೆಬ್ರವರಿ 2003 ರಲ್ಲಿ, ಬಾಹ್ಯಾಕಾಶ ನೌಕೆ ಕೊಲಂಬಿಯಾದಲ್ಲಿ ತನ್ನ ಎರಡನೇ ಕಾರ್ಯಾಚರಣೆಯಲ್ಲಿ ಕಲ್ಪನಾ ಮತ್ತು ಅವರ ಆರು ಸಿಬ್ಬಂದಿ ಸಹಚರರು ಭೂಮಿಗೆ ಹಿಂದಿರುಗುವಾಗ ನೌಕೆಯು ಅಸಮರ್ಪಕವಾಗಿ ಕಾರ್ಯನಿರ್ವಹಿಸಿದಾಗ ದುರಂತವಾಗಿ ಸಾವನ್ನಪ್ಪಿದರು. ಆಗ ಕಲ್ಪನಾಗೆ ಕೇವಲ ನಲವತ್ತೊಂದು ವರ್ಷ. ಅವರ ಧೈರ್ಯ ಮತ್ತು ಸಮರ್ಪಣೆಗಾಗಿ, ಅವರು USA ನಲ್ಲಿ ಉನ್ನತ ನಾಗರಿಕ ಗೌರವಗಳನ್ನು ಪಡೆದರು. ತನ್ನ ತಾಯ್ನಾಡಿನಲ್ಲಿ, ಕಲ್ಪನಾ ಚಾವ್ಲಾ ಸ್ಪೂರ್ತಿದಾಯಕ ತಾರೆಯಾಗಿ ಉಳಿದಿದ್ದಾರೆ.

ಸಿಹಿಜೀವಿ ವೆಂಕಟೇಶ್ವರ

ತುಮಕೂರು

ದೃಷ್ಟಿಹೀನರ ಬಾಳಿನ ಬೆಳಕು ಲೂಯಿಸ್ ಬ್ರೈಲ್

 

ಲೂಯಿಸ್ ಬ್ರೈಲ್ 

ಮೇದಾವಿಯ ಸ್ಪರ್ಶ (ದಿ ಟಚ್ ಆಫ್ ಜೀನಿಯಸ್)

ದೃಷ್ಟಿ ದೋಷವಿರುವವರಿಗಾಗಿ  ಸ್ಪರ್ಶ ಆಧಾರಿತ ಓದುವ ಮತ್ತು ಬರೆಯುವ ವ್ಯವಸ್ಥೆಗಾಗಿ 'ಸಾರ್ವಕಾಲಿಕ 100 ಉನ್ನತ ಆವಿಷ್ಕಾರಕರು'ಎಂದು   ಗುರುತಿಸಲ್ಪಟ್ಟ ಲೂಯಿಸ್ ಬ್ರೈಲ್ ರವರು ಜಗತ್ತಿಗೆ ಅತ್ಯಮೂಲ್ಯವಾದ ಕೊಡುಗೆ  ನೀಡಿದ್ದಾರೆ.

ಸಾಮಾನ್ಯ ಬಾಲಕ ಲೂಯಿಸ್ ಬ್ರೈಲ್‌ನನ್ನು  ನಾಯಕನನ್ನಾಗಿ ಮಾಡಿದ ದುರಂತದ ಕಥೆ ಇದು.  1812 ರಲ್ಲಿ ಮೂರು ವರ್ಷದ ಲೂಯಿಸ್ ಫ್ರಾನ್ಸ್‌ನ ಕೂಪ್ವ್ರೆಯಲ್ಲಿ ತನ್ನ ತಂದೆಯ ಚರ್ಮದ ಅಂಗಡಿಯಲ್ಲಿ ಆಡುತ್ತಿದ್ದನು. ಅವರ ತಂದೆ  ಕುದುರೆಗಾಡಿಗಳಿಗೆ ಚರ್ಮದ ವಸ್ತುಗಳನ್ನು ತಯಾರಿಸುವ ಕೆಲಸ ಮಾಡುತ್ತಿದ್ದರು. ಈ  ಹುಡುಗನು ಗಟ್ಟಿಯಾದ ಚರ್ಮದಲ್ಲಿ ರಂಧ್ರಗಳನ್ನು ಚುಚ್ಚಲು ಬಳಸುವ  ಮೊನಚಾದ ಉಪಕರಣದೊಂದಿಗೆ ಆಟವಾಡುತ್ತಿದ್ದಾಗ ಅದು ಜಾರಿ ಅವನ ಕಣ್ಣಿಗೆ ಚುಚ್ಚಿತು!

ಗಾಯದಿಂ ಎರಡೂ ಕಣ್ಣುಗಳಿಗೆ ಸೋಂಕು ತಗುಲಿತು. ಲೂಯಿಸ್ಗೆ ಅವನ ಪ್ರಪಂಚವು ಇದ್ದಕ್ಕಿದ್ದಂತೆ ಏಕೆ ಕತ್ತಲೆಯಾಯಿತು ಎಂಬುದನ್ನು ಅರ್ಥಮಾಡಿಕೊಳ್ಳಲು   ಸಾಧ್ಯವಾಗಲಿಲ್ಲ.

ಲೂಯಿಸ್ ತುಂಬಾ ಬುದ್ದಿವಂತ ಮತ್ತು ತ್ವರಿತವಾಗಿ ಪಾಠಗಳನ್ನು ಕಂಠಪಾಠ ಮಾಡುತ್ತಿದ್ದ ಆದರೆ ಸ್ಥಳೀಯ ಶಾಲೆಯಲ್ಲಿ ಕಲಿಕೆ ಸರಿಯಾಗಲಿಲ್ಲ.  

ಕೊನೆಗೆ ಪ್ಯಾರಿಸ್‌ನಲ್ಲಿರುವ ದೃಷ್ಟಿ ದೋಷವಿರುವವರಿಗೆ ಇರುವ  ವಿಶೇಷ ಶಾಲೆಗೆ ಸೇರಿದ. ಆದರೆ ಅದಕ್ಕೂ ಮಿತಿಗಳಿದ್ದವು. ಉದಾಹರಣೆಗೆ ಆ ತರಗತಿಯಲ್ಲಿ ಕೇವಲ ಹದಿನಾಲ್ಕು ಪುಸ್ತಕಗಳನ್ನು ಓದಬೇಕಿತ್ತು. ದೃಷ್ಟಿಹೀನರಿಗಾಗಿ ಪುಸ್ತಕಗಳನ್ನು ತಯಾರಿಸುವುದು ಕಷ್ಟಕರವಾಗಿತ್ತು ಮತ್ತು ತುಂಬಾ ದೊಡ್ಡ ಅಕ್ಷರಗಳನ್ನು ಬಳಸಿದ ಪರಿಣಾಮವಾಗಿ ಪುಸ್ತಕಗಳು ಭಾರವಾಗಿದ್ದವು. ದೊಡ್ಡ ಅಕ್ಷರಗಳ ಬಳಕೆಯ ಪರಿಣಾಮವಾಗಿ ಒಂದೊಂದು ಪುಟಕ್ಕೆ  ಕೆಲವೇ ವಾಕ್ಯಗಳು ಮಾತ್ರ ಇದ್ದವು.

"ವಿಶಾಲ ಅರ್ಥದಲ್ಲಿ ಸಂವಹನಕ್ಕೆ ಅವಕಾಶ ನೀಡಿದರೆ    ಜ್ಞಾನಕ್ಕೆ ಅವಕಾಶ ನೀಡಿದಂತೆ" 

ಲೂಯಿಸ್ ಒಬ್ಬ ಪ್ರತಿಭಾನ್ವಿತ ಸೆಲ್ಲೋ ಮತ್ತು ಆರ್ಗನ್ ಪ್ಲೇಯರ್ ಆಗಿದ್ದರು. ಅವರು ಪ್ಯಾರಿಸ್‌ನ ಕೆಲವು ದೊಡ್ಡ  ಚರ್ಚ್‌ಗಳಲ್ಲಿ ತಮ್ಮ ಸಂಗೀತದ ಪ್ರತಿಭೆ ಪ್ರದರ್ಶಿಸಿದ್ದರು. ಆದರೂ ಅವನ ಮನಸ್ಸು ದೃಷ್ಟಿ ಹೀನರಿಗೆ  ಸುಲಭವಾಗಿ ‘ಬೆರಳಿನಲ್ಲಿ ಓದಲು’ ಸಹಾಯ ಮಾಡಲು ಏನಾದರೂ ಮಾಡಬೆಕೆಂದು ಹಾತೊರೆಯುತ್ತಿತ್ತು.

ಮನಸ್ಸಿನಲ್ಲಿ ಅದೇ ವಿಷಯದ ಬಗ್ಗೆ ಚಿಂತನ ಮಂಥನ ಮಾಡುವಾಗ ಒಂದು

ರಜೆಯ ದಿನದಂದು ಮನೆಯಲ್ಲಿದ್ದಾಗ  ಲೂಯಿಸ್ ಮಹಾ ಹೊಳಹು  ಹೊಳೆಯಿತು!  ಶಾಲೆಯಲ್ಲಿ ಓದುವಾಗ  ಸೈನಿಕರು ಕತ್ತಲೆಯಲ್ಲಿ ಬಳಸುವ ರಹಸ್ಯ ಸಂಕೇತದ ಬಗ್ಗೆ ಕೇಳಿದ್ದರು. ಇದನ್ನು ಚಾರ್ಲ್ಸ್ ಬಾರ್ಬಿಯರ್ ಎಂಬ ಸೇನಾ ಕ್ಯಾಪ್ಟನ್ ಅಭಿವೃದ್ಧಿಪಡಿಸಿದ್ದರು.  ಕಾಗದದ ಮೇಲೆ ಸ್ಪರ್ಶಿಸಿ 'ಅನುಭವಿಸಬಹುದಾದ' ಡ್ಯಾಶ್‌ಗಳು ಮತ್ತು ಚುಕ್ಕೆಗಳ ಸರಣಿಯನ್ನು ಬಳಸಲಾಗಿತ್ತು. 

ಇದೇ ತಂತ್ರ ಬಳಸಿ ಅದ್ಭುತ ಸಾಧಿಸಲು ಹದಿನೈದು ವರ್ಷ ವಯಸ್ಸಿನ ಲೂಯಿಸ್ ಸಿದ್ದನಾದ  ಚುಕ್ಕೆಗಳ ಮಾದರಿಯನ್ನು ರೂಪಿಸಲು ಚರ್ಮದಲ್ಲಿ ರಂಧ್ರಗಳನ್ನು ಮಾಡಲು ತನ್ನ ಕಣ್ಣು ಶಾಶ್ವತ ಅಂಧತ್ವಕ್ಕೆ ಕಾರಣವಾದ  ಚೂಪಾದ ಆಯುಧ ಬಳಸಿದ!    ಹಲವಾರು ಸತತ ಪ್ರಯತ್ನದ ಫಲವಾಗಿ ವರ್ಣಮಾಲೆಯ ಅಕ್ಷರಗಳನ್ನು ಪ್ರತಿನಿಧಿಸಲು ಅವುಗಳನ್ನು ಮರುಜೋಡಿಸಿ  ಮರುಸ್ಥಾಪಿಸಿದ.

 1829 ರಲ್ಲಿ  ಅಧಿಕೃತವಾಗಿ 'ಬ್ರೈಲ್' ಎಂಬ ಈ ಹೊಸ ವ್ಯವಸ್ಥೆಯನ್ನು ಪ್ರಕಟಿಸಿದಾಗ ಲೂಯಿಸ್ ಬ್ರೈಲ್ ಗೆ  ಇಪ್ಪತ್ತು ವರ್ಷ ವಯಸ್ಸು.  ಮುಂದಿನ ಕೆಲವು ವರ್ಷಗಳ ಕಾಲ ಅದರ ಮೇಲೆ ಕೆಲಸ ಮಾಡಿದರು. ಬ್ರೈಲ್‌ನ ಚುಕ್ಕೆಗಳ ವ್ಯವಸ್ಥೆಯು ಬೆರಳಿನ ಸ್ಪರ್ಶದಿಂದ ಓದಲು ಹೆಚ್ಚು ಸುಲಭವಾಗಿತ್ತು. ಆದರೆ ಔಪಚಾರಿಕವಾಗಿ ಅಳವಡಿಸಿಕೊಳ್ಳಲು ಹೆಚ್ಚು ಸಮಯ ತೆಗೆದುಕೊಂಡಿತು. 1870 ರ ಹೊತ್ತಿಗೆ ಇದು ಫ್ರಾನ್ಸ್ ಮತ್ತು ಇತರ ದೇಶಗಳಲ್ಲಿಯೂ ಬಳಕೆಗೆ ಬಂತು.

ಸಿಹಿಜೀವಿ ವೆಂಕಟೇಶ್ವರ

ತುಮಕೂರು

ಪಿನ್ ನಂಬರ್ ಗೊತ್ತಾ?

 

 ಪಿನ್ ನಂಬರ್ ಗೊತ್ತಾ?

ನಾವು ನಮ್ಮ ಪ್ರಮುಖ ದಾಖಲೆಗಳನ್ನು ಬರೆಯುವಾಗ , ಅರ್ಜಿಗಳನ್ನು ತುಂಬುವಾಗ ಪಿನ್ ಕೋಡ್ ಅಥವಾ ಜಿಪ್ ಕೋಡ್ ತುಂಬಲೇ ಬೇಕು.ಎಷ್ಟೋ ಜನರಿಗೆ ಈ ಪಿನ್ ಬಗ್ಗೆ ಗೊತ್ತೇ ಇರುವುದಿಲ್ಲ ‌ಕೆಲವರು ತಕ್ಷಣವೇ ಗೂಗಲಿಸಿ ಆ ಪಿನ್ ನಮೂದಿಸಿ ಮತ್ತೆ ಮರೆತುಬಿಡುವರು. ಇದು ಮರೆಯುವಂತದ್ದಲ್ಲ ನಮ್ಮ ನಾವಿರುವ ಸ್ಥಳದ ಮೂಲ ವಿಳಾಸ ಅದನ್ನು ಸದಾ ನೆನೆಪಿಟ್ಟುಕೊಳ್ಳುವುದು ಅಗತ್ಯ ಮತ್ತು ಅನಿವಾರ್ಯ. 

ಪಿನ್ ಕೋಡ್ ,ಪೋಸ್ಟಲ್ ಇಂಡೆಕ್ಸ್ ,ಅಂಚೆ ಸೂಚ್ಯಂಕ ಸಂಖ್ಯೆ (ಪಿನ್ ಕೋಡ್) ಎಂಬುದು ಆಂಗ್ಲ ಭಾಷೆಯ ಪೋಸ್ಟಲ್ ಇಂಡೆಕ್ಸ್ ನಂಬರ್ (Postal Index Number) ಎಂಬುದರ ಪಾರಿಭಾಷಿಕ ಪದ. ಅದು ಅಂಚೆ ಕಛೇರಿಗಳಿಗೆ ಭಾರತೀಯ ಅಂಚೆ ಇಲಾಖೆಯ ಆಡಳಿತವು ಬಳಸುವ ಸಂಖ್ಯಾ ವ್ಯವಸ್ಥೆ. ಅದು ಆರು ಅಂಕೆಗಳನ್ನು ಹೊಂದಿರುತ್ತದೆ. ಈ ವ್ಯವಸ್ಥೆಯನ್ನು 15 ಆಗಸ್ಟ್ 1962 ರಂದು ಜಾರಿಗೆ ತರಲಾಯಿತು.

ಎಂಟು ಪ್ರಾದೇಶಿಕ ವಲಯಗಳು ಮತ್ತು ಭಾರತೀಯ ಸೇನೆಗಾಗಿಯೇ ಒಂದು ಸಕ್ರಿಯವಾದ ವಲಯ ಸೇರಿದಂತೆ ಭಾರತದಲ್ಲಿ ಒಂಬತ್ತು ಪಿನ್ ಕೋಡ್ ವಲಯಗಳು ಇವೆ. ಪಿನ್ ಕೋಡ್ ಮೊದಲ ಅಂಕಿಯು "ವಲಯ"ವನ್ನೂ, ಎರಡನೇ ಅಂಕಿಯ "ಉಪವಲಯ"ವನ್ನೂ, ಮೂರನೇ ಅಂಕಿಯು ಅಂಚೆ-ವಿಂಗಡಣೆಯ "ಜಿಲ್ಲೆ"ಯನ್ನೂ ಸೂಚಿಸುತ್ತವೆ. ಕೊನೆಯ ಮೂರು ಅಂಕೆಗಳ ಗುಂಪು "ಅಂಚೆ ಕಛೇರಿ"ಯನ್ನು ನಿರ್ದೇಶಿಸುತ್ತದೆ.

ಭಾರತ ಸರ್ಕಾರದ ಸಂವಹನ ಸಚಿವಾಲಯದ ಹೆಚ್ಚುವರಿ ಕಾರ್ಯದರ್ಶಿ ಶ್ರೀರಾಮ್ ಭಿಕಾಜಿ ವೆಲಂಕರ್ ಭಾರತದಲ್ಲಿ ಮೊದಲು ಪಿನ್ ವ್ಯವಸ್ಥೆ  ಪರಿಚಯಿಸಿದರು. ತಪ್ಪಾದ ವಿಳಾಸಗಳು, ಒಂದೇ ರೀತಿಯ ಸ್ಥಳದ ಹೆಸರುಗಳು ಮತ್ತು ಸಾರ್ವಜನಿಕರು ಬಳಸುವ ವಿವಿಧ ಭಾಷೆಗಳಲ್ಲಿ ಗೊಂದಲವನ್ನು ನಿವಾರಿಸಲು, ಹಸ್ತಚಾಲಿತ ವಿಂಗಡಣೆ ಮತ್ತು ಅಂಚೆ ವಿತರಣೆಯನ್ನು ಸರಳಗೊಳಿಸುವ ಈ ವ್ಯವಸ್ಥೆಯನ್ನು ಪರಿಚಯಿಸಲಾಯಿತು.

ಎಂಟು ಪ್ರಾದೇಶಿಕ ವಲಯಗಳು ಮತ್ತು ಒಂದು ಕ್ರಿಯಾತ್ಮಕ ವಲಯ (ಭಾರತೀಯ ಸೇನೆಗೆ) ಸೇರಿದಂತೆ ಭಾರತದಲ್ಲಿ ಒಂಬತ್ತು ಅಂಚೆ ವಲಯಗಳಿವೆ. 

ಸಿಹಿಜೀವಿ ವೆಂಕಟೇಶ್ವರ

ತುಮಕೂರು

ವೈದ್ಯರಿಗೆ ನಮನಗಳು ...ಇಂದು ವೈದ್ಯರ ದಿನ

 

ವೈದ್ಯರ ದಿ‌ನ 

"ವೈದ್ಯೋ ನಾರಾಯಣ ಹರಿ"ಎಂಬಂತೆ ಡಾಕ್ಟರ್ ಗಳು ದೇವರ ಸಮಾನ.ಸಮಾಜದಲ್ಲಿ ಅವರಿಗೆ ತಮ್ಮದೇ ಆದ ಗೌರವವಿದೆ.ಅವರ ಸೇವೆಯನ್ನು ಎಷ್ಟು ಸ್ಮರಿಸಿ ‌ಕೃತಜ್ಞತೆ ಸಲ್ಲಿಸಿದರೂ ಸಾಲದು ಆದರೂ ಅವರಿಗಾಗಿ ರಾಷ್ಟ್ರ ಮಟ್ಟದಲ್ಲಿ ಒಂದು ದಿನವನ್ನು ಮೀಸಲಿಡಲಾಗಿದೆ ಮತ್ತು 

ಭಾರತದಲ್ಲಿ ಜುಲೈ 1 ರಂದು ರಾಷ್ಟ್ರೀಯ ವೈದ್ಯರ ದಿನವನ್ನು ಆಚರಿಸಲಾಗುತ್ತದೆ:

 ಮಾನವೀಯತೆಗೆ ಅವರ ನಿಸ್ವಾರ್ಥ ಸೇವೆಗಾಗಿ ವೈದ್ಯರು ಮತ್ತು ಆರೋಗ್ಯ ವೃತ್ತಿಪರರನ್ನು ಗೌರವಿಸಲು ಈ ದಿನವನ್ನು ಆಚರಿಸಲಾಗುತ್ತದೆ.ಪ್ರಸಿದ್ಧ ವೈದ್ಯ ಮತ್ತು ಪಶ್ಚಿಮ ಬಂಗಾಳದ ಮಾಜಿ ಮುಖ್ಯಮಂತ್ರಿಯಾಗಿದ್ದ ಡಾ. ಬಿಧನ್ ಚಂದ್ರ ರಾಯ್ ಅವರ ಜನ್ಮದಿನವನ್ನು ವೈದ್ಯರ ದಿನವೆಂದು ಆಚರಿಸಲಾಗುತ್ತದೆ. ಡಾ. ರಾಯ್ ಅವರು ಜುಲೈ 1, 1882 ರಂದು ಜನಿಸಿದರು

ಪಶ್ಚಿಮ ಬಂಗಾಳದ ಎರಡನೇ ಮುಖ್ಯಮಂತ್ರಿಯಾಗಿ, ವೈದ್ಯರಾಗಿ ಬಿ ಸಿ ರಾಯ್ ವೈದ್ಯಕೀಯ ರಂಗಕ್ಕೆ ಅಮೋಘ ಕೊಡುಗೆಗಳನ್ನು ನೀಡಿದ್ದಾರೆ. ಜಾದವಪುರ್ ಟಿ ಬಿ ಆಸ್ಪತ್ರೆ, ಚಿತ್ತರಂಜನ್ ಸೇವಾ ಸದನ, ಕಮಲಾ ನೆಹರೂ ಮೆಮೋರಿಯಲ್ ಆಸ್ಪತ್ರೆ, ವಿಕ್ಟೋರಿಯಾ ಇನ್ಸ್ ಟಿಟ್ಯೂಶನ್, ಚಿತ್ತರಂಜನ್ ಕ್ಯಾನ್ಸರ್ ಆಸ್ಪತ್ರೆ ಹಾಗೂ ಮಹಿಳೆಯರು ಮತ್ತು ಮಕ್ಕಳಿಗೆ ವಿಶೇಷವಾಗಿ ತೆರೆದಿರುವ ಚಿತ್ತರಂಜನ್ ಸೇವಾ ಸದನಗಳ ಸ್ಥಾಪನೆಯಲ್ಲಿ ಬಿ ಸಿ ರಾಯ್ ಪಾತ್ರ ಪ್ರಮುಖವಾಗಿದೆ. ಇವರ ಸೇವೆಯನ್ನು ಪರಿಗಣಿಸಿ 1961ರ ಫೆಬ್ರವರಿ 4ರಂದು ಮರಣೋತ್ತರ ಭಾರತ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ತಮ್ಮ 80 ನೇ ವಯಸ್ಸಿನಲ್ಲಿ 1962 ರಲ್ಲಿ ಹುಟ್ಟಿದ  ದಿನಾಂಕದಂದೇ  ನಿಧನರಾದರು. ನಮ್ಮ ಜೀವನದಲ್ಲಿ ಮತ್ತು ಸಮಾಜದಲ್ಲಿ ವೈದ್ಯರ ಮಹತ್ವದ ಬಗ್ಗೆ ಜಾಗೃತಿ ಮೂಡಿಸಲು  ಪ್ರತಿ ವರ್ಷ ವೈದ್ಯರ  ದಿನವನ್ನು ಆಚರಿಸಲಾಗುತ್ತದೆ.

2024 ರಲ್ಲಿ ರಾಷ್ಟ್ರೀಯ ವೈದ್ಯರ ದಿನದ ಥೀಮ್ "ಹೀಲಿಂಗ್ ಹ್ಯಾಂಡ್ಸ್, ಕೇರಿಂಗ್ ಹಾರ್ಟ್ಸ್."

ಸಿಹಿಜೀವಿ ವೆಂಕಟೇಶ್ವರ

ತುಮಕೂರು