ನಾಲ್ಕು ಹನಿಗವನಗಳು

*ಹನಿಗವನಗಳು*

*೧*

*ಆಟಿಕೆಗಳು*

ಆಟಿಕೆ ಕೊಳ್ಳಲು ಅಂಗಡಿಗೋದೆ
ಯಾವುದು ಕೊಳ್ಳಲು ತಿಳಿಯದಾದೆ
ಟೋಪಿ‌ ಕನ್ನಡಕ  ಬೊಂಬೆಗಳು
ಸಾಲದಾಗಿವೆ ನೋಡಲೆನ್ನ  ಕಂಗಳು
ಕೇಳಿ ಅವುಗಳ  ಬೆಲೆಗಳ ಹೌಹಾರಿದೆ
ಮುಂದೆ ಕೊಳ್ಳುಲು ತೀರ್ಮಾನಿಸಿದೆ

*೨*
*ನಲ್ಲ*

ನೀನು ಅನುಮತಿಸಿದರೆ
ಈಗಲೇ ಆಗುವೆನು
ನಾನು ನಿನ್ನ ನಲ್ಲ
ಅವಳಂದಳು
ನೀನವನಲ್ಲ


*೩*

*ಬೇಡಿಕೆ*

ಬಟ್ಟೆ ಒಗೆವ ಯಂತ್ರ ಕೊಡಿಸಲೇಬೇಕು
ಎಂದು ಕೇಳಿದಳು ನನ್ನವಳು
ತೊರುತ್ತಾ ಆವೇಗ
ನಾನು ಶಾಂತವಾಗಿ ಉತ್ತರಿಸಿದೆ
ಖಂಡಿತ  ಕೊಡಿಸುವೆ ಜಾರಿಯಾಗಲಿ
ವೇತನ ಆಯೋಗ

*೪*

*ಪ್ರೀತಿ*

ಚಳಿಯಿರಲಿ ಮಳೆಯಿರಲಿ
ನಿನ್ನೆ ಪ್ರೀತಿಸುವೆ
ಅವಳೆಂದಳು
ರವಿಯೂ ಇರಲಿ ಶಶಿಯೂ ಇರಲಿ
ನಿನ್ನನೂ ಪ್ರೀತಿಸುವೆ

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*