ಗಜ಼ಲ್ ೧೨ (ಏಕೆ)

*ಗಜ಼ಲ್*


ಇದ್ದ ಒಲವ ತಿರಸ್ಕರಿಸಿ ಕಾಲ್ತೆಗೆದು ಹೋದೆ ಏಕೆ?
ಸವಿನೆನಪ ನನಗಿತ್ತು ಹೇಳದೇ ನೀ   ತೆರಳಿದೆ ಏಕೆ?

ಮಾತಿನಲಿ  ಮತ್ತು ಬರಿಸಿ  ನೋಟದಿ ಆಕರ್ಷಿಸಿ
ಮಾತಾಡದೇ ಮುನಿಸಿಕೊಂಡು ಹೊರಟೋದೆ ಏಕೆ?

ಕಡುಕಪ್ಪು ಹಸಿರೆಲೆಗಳು ಒಮ್ಮೆಲೇ ತರಗೆಲೆಗಳಾದವು
ಚೈತ್ರ ಬರುವ ಕಾಲದಿ ಆಷಾಡ ಬಂದಿದೆ ಏಕೆ?


ಕೆನೆಹಾಲು ಜೇನು ಸೇರಿದಂತಿತ್ತು ನಮ್ಮಯ ಒಲವು
ಜೇನಮುತ್ತುಗಳ ಮರೆತು ಏನೂ ಹೇಳದೆ ಹೋದೆ ಏಕೆ?

ಕಹಿಗುಳಿಗೆಯನಿತ್ತು ಸೀಜೀವಿಯ ಮನಕೆ ಘಾಸಿ ಮಾಡಿ
ಶಾಶ್ವತ ಗಾಯ ಮಾಡಿ ಕಾಣದೇ  ಮರೆಯಾದೆ ಏಕೆ?

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*