ನನ್ನ ಮಕ್ಕಳ ಹೊತ್ತು ಹೊರಟಿರುವೆ
ಜೀವನದ ಬಟ್ಟೆಯನರಸಿ ನಡೆದಿರುವೆ
ಅಡ್ಡೆಯಲಿಹವು ನನ್ನಯ ಕುಡಿಗಳು
ಅವುಗಳು ನನ್ನ ಬಾಳಿನ ಕಣ್ಣುಗಳು
ನನ್ನ ಕಂದಮ್ಮಗಳು ನನಗೆ ಭಾರವೆ
ಏರುಪೇರುಗಳಿರಲಿ ಸಲಹಿ ತೋರುವೆ
ಬಡತನ ಸಿರಿತನ ಕಂಡಿರುವೆ ನಾನು
ನಿಮಗೆ ಕಷ್ಟ ತಿಳಿಯದ ಹಾಗೆ ಸಾಕುವೆನು
ಹೆಣ್ಣು ನಾನೆಂಬ ಕೀಳರಿಮೆ ನನಗಿಲ್ಲ
ನನ್ನ ಕಂದಗಳ ಸಾಕಿ ತೋರಿಸುವೆನಿಲ್ಲಿ
ಜನರ ಅನುಕಂಪ ನನಗೆ ಬೇಕಿಲ್ಲ
ಪ್ರೋತ್ಸಾಹದ ಮಾತೆರಡು ಸಾಕಲ್ಲ
ಆಧುನಿಕ ಶ್ರವಣಕುಮಾರ ನಾನಲ್ಲ
ನನ್ನ ಮಕ್ಕಳ ಪೊರೆವುದ ನಿಲಿಸಲ್ಲ
ಬಾಳಿ ತೋರುವೆ ನಾನು ಜಗದಿ
ತಾಳಿ ಬದುಕುವೆ ಎಂದು ಮುದದಿ
*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*
No comments:
Post a Comment