ಪೋಷಕರೇ ಹದಿಹರೆಯದವರ ಜೊತೆ ಸ್ನೇಹಿತರಾಗಿರಿ (ಲೇಖನ)

ಲೇಖನ*

*ಹದಿಹರೆಯದವರೊಂದಿಗೆ ಸ್ನೇಹದಿಂದಿರಿ*

"ಹುಚ್ಚು ಕೋಡಿ ಮನಸು ಅದು ಹದಿನಾರರ ವಯಸು"ಎಂದು ಕವಿಗಳ ವಿವರಿಸಿರುವಂತೆ ಕಿಶೋರಾವಸ್ಥೆ ಅಥವಾ ಹದಿಹರೆಯದ ಮಕ್ಕಳು ಅವರ ವರ್ತನೆಗಳು ಮತ್ತು ಅವರ ಭಾವನೆಗಳು ತಾಕಲಾಟ ಆಡುವ ಸಮಯ ಅದಕ್ಕೆ ಮನಶಾಸ್ತ್ರಜ್ಞರು ಈ ಕಾಲವನ್ನು ಸಂಕ್ಷೋಬೆಯ ಕಾಲ ಎಂದಿದ್ದಾರೆ.
ಇಂತಹ ಕಾಲದಲ್ಲಿ ಮನೆಯಲ್ಲಿ ಪೋಷಕರು ಹದಿಹರೆಯದವರ ಜೊತೆ ಸಂಘರ್ಷಕ್ಕೆ ಇಳಿಯುವ ಬದಲು ಈ ಕೆಳಗಿನ ಅಂಶಗಳನ್ನು ಪಾಲಿಸಿ ಅವರೊಂದಿಗೆ ಸ್ನಹದಿಂದಿರಲು ಮನಶಾಸ್ತ್ರಜ್ಞರು ಹೇಳುತ್ತಾರೆ.
ಹಾಗಾದರೆ ಅವರೊಂದಿಗೆ ಸ್ನೇಹದಿಂದಿರುವುದು ಹೇಗೆ ?

1 ಗೌರವ ತೋರಿ :

     ಆಗ ತಾನೆ ಬಾಲ್ಯಾವಸ್ಥೆಯ ಹಂತ ದಾಟಿ ಕಿಶೋರಾವಸ್ಥೆ ತಲುಪಿದ ಈ ಮಕ್ಕಳು ಗೌರವ ಅಪೇಕ್ಷಿಸುವರು ,ಈ ಹಂತಗಳಲ್ಲಿ ಅವರು ಅವರ ಶಿಕ್ಷಣ, ಕೆಲಸ ಮುಂತಾದ ವಿಷಯಗಳಲ್ಲಿ ಕೆಲ ನಿರ್ಧಾರ ಕೈಗೊಂಡರೆ ಅವರ ತೀರ್ಮಾನಕ್ಕೆ ಗೌರವ ನೀಡಬೇಕು. ಕೆಲವೊಮ್ಮೆ ಅವರ ತಪ್ಪು ನಿರ್ಧಾರದಿಂದ ಬೇಸರಪಟ್ಟುಕೊಂಡಾಗ ಅವರ ಸಮಸ್ಯೆ ಬಗೆಹರಿಸಲು ಸ್ನೆಹಿತನಂತೆ ವರ್ತಿಸಿ.

2 .ಅವರ ಗೆಳತನ ಸ್ವೀಕರಿಸಿ :

ಹದಿಹರೆಯದವರು ತಮಗೆ ಇಷ್ಟವಾದ ಗೆಳೆಯ ಗೆಳತಿಯರೊಂದಿಗೆ ಕಾಲ ಕಳೆಯಲು‌ ಇಷ್ಟ ಪಡುವರು ನೀವು ಇದನ್ನು ವಿರೋದಿಸಿದರೆ ಮನೆಯಲ್ಲಿ ದೊಡ್ಡ ರಾದ್ದಾಂತವೇ ನಡೆಯಬಹುದು ಅದರ ಬದಲಾಗಿ ಕೆಲ ಸಲಹೆಗಳನ್ನು ನೀಡಿ ಅವರ ಗೆಳೆತನ ಸ್ವೀಕರಿಸಿ. ಈ ವೇಳೆ ನಿಮ್ಮ ಮಕ್ಕಳು ಮನೆಯಿಂದ ಹೊರಗಿದ್ದರೆ ನಿಮಗೆ ಪ್ರತಿದಿನ ಕರೆ ಮಾಡಿ ಮಾತಾಡುವುದನ್ನು ಕಡಿಮೆ ಮಾಡಿ ಗೆಳೆಯ ರೊಡನೆ ಮಾತಾಡುವುದನ್ನು ಗಮನಿಸಿ ಹೆಚ್ಚು ತಲೆಕೆಡಿಸಿಕೊಳ್ಖಬೇಡಿ ಅವರ ಭಾವನೆಗಳನ್ನು ಗೌರವಿಸಿ ಕ್ರಮೇಣ ನಿಮ್ಮ ಮಗ ಅಥವಾ ನಿಮ್ಮ ಮಗಳು ನಿಮ್ಮ ಮೇಲೆ ಗೌರವ ಬೆಳೆಸಿಕೊಳ್ಳುವರು.

3 ಅವರ ಆಸಕ್ತಿಗಳನ್ನು ಬೆಂಬಲಿಸಿ :

ಮೊದಲು ಕೇವಲ ನಿಮ್ಮ ಏರಿಯಾದ ಗಲ್ಲಿಗಳಲ್ಲಿ ಆಟವಾಡುತ್ತಿದ್ದ ನಿಮ್ಮ ಮಗ ಅಥವಾ ಮಗಳು
ಕ್ರಮೇಣ ಹೊಸ ಹೊಸ ಆಟಗಳು ಮತ್ತು ಸಾಹಸ ಚಟುವಟಿಕೆಗಳನ್ನು ಹೊಂದಲು ಬಯಸುವರು ಈ ಹಂತಗಳಲ್ಲಿ ಪೋಷಕರಾದವರು ಅವರ ಆಸಕ್ತಿಗಳಿಗೆ ತಣ್ಣೀರೆರಚದೆ ಸ್ನೇಹಿತನಂತೆ ಬೆಂಬಲಿಸಿದರೆ ನಿಮ್ಮ ಸಂಬಂಧ ವೃದ್ಧಿಸಲು ಮತ್ತು ಅವರ ಆಸಕ್ತಿ ಕ್ಷೇತ್ರ ಬೆಳೆಯಲು ಪೂರಕವಾಗುವುದು .

4  ಅವರೊಂದಿಗೆ ಸಂಪರ್ಕ ಸಾದಿಸಿ :

ಹದಿಹರೆಯದವರ ಜೊತೆ ಸಾಧ್ಯವಾದಷ್ಟು ಸಂಪರ್ಕ ಸಾಧಿಸಲು ಪ್ರಯತ್ನ ಪಡಬೇಕು ಇಂದಿ ಆಧುನಿಕ ಯಾಂತ್ರಿಕ ಯುಗದಲ್ಲಿ ನಿಮಗೆ ಸಮಯದ ಅಭಾವದಿಂದ ವಾರಗಟ್ಟಲೆ  ಮನೆಯಿಂದ ಹೊರಗೆ ಇರಬೇಕಾದ ಸಂದರ್ಭಗಳಲ್ಲಿ ಇಂತಹ ಮಕ್ಕಳೊಂದಿಗೆ ಯಾವುದೇ ವಿಧದಲ್ಲೂ ಸಂಪರ್ಕ ಸಾಧಿಸಬಹುದು ಅದು .ವಾಟ್ಸಪ್, ಆಗಬಹುದು, ಕಾಲ್ ಮಾಡಬಹುದು, ಕೊನೆಯಪಕ್ಷ ಎಸ್ ಎಂ ಎಸ್ ಆದರೂ ಆದೀತು ಇದು ಅವರೊಂದಿಗಿನ ಭಾವನಾತ್ಮಕ ಸಂಬಂಧವನ್ನು ವೃದ್ಧಿಸಲು ಮತ್ತು ಒಂಟಿತನ ನಿವಾರಿಸಲು ಸಹಾಯಕ.

5  ನಿಮ್ಮ ಅನುಭವ ಮತ್ತು ಅನಿಸಿಕೆಗಳನ್ನು ಹೇರಬೇಡಿ :

ಇದು ಬಹುತೇಕ ಎಲ್ಲಾ ಪೋಷಕ ಮಿತ್ರರು ಮಾಡುವ ತಪ್ಪು ,ತಮ್ಮಿಂದ ಯಾವ ಕಾರ್ಯ ಮಾಡಲಾಗಲಿಲ್ಲ ಅದನ್ನು ನನ್ನ ಮಗ ಅಥವಾ ಮಗಳು ಮಾಡಲಿ‌ಎಂಬ ಸಹಜ ಆಸೆ ಜೊತೆಗೆ ಅನಗತ್ಯವಾಗಿ ಪದೇ ಪದೇ ನೀನು ಇದೇ ಆಗಬೇಕೆಂದು ಒತ್ತಡ ಹೇರುವುದು. ಇದು ಹದಿಹರೆಯದವರ ಮೇಲೆ ಪ್ರತಿಕೂಲವಾದ ಪರಿಣಾಮವನ್ನು ಬೀರಿ ಅವರ ಸಹಜ ಪ್ರತಿಭೆ ಹೊರಬರಲು ಅಡ್ಡಿಯಾಗುವುದು .ಆದ್ದರಿಂದ ಅವರಿಗೆ ಸಲಹೆ ನೀಡಿ ಸ್ವೀಕರಿಸಿದಿದ್ದರೆ ಬೇಸರಿಕೊಳ್ಳದೇ ಹಿಂಜರಿಯಿರಿ ಪ್ರತಿಷ್ಠೆ ಬೇಡ
ಮುಂದೆ ಅವರೇ ಪಾಠಗಳನ್ನು ಕಲಿಯಲು ಅವಕಾಶ ನೀಡಿ.

ಈ ಮೇಲ್ಕಂಡ ಅಂಶಗಳನ್ನು ಗಮನಿಸಿ ನಮ್ಮ ಹದಿಹರೆಯದವರ ಪಾಲನೆ ಪೋಷಣೆಯಲ್ಲಿ ಅವರನ್ನು ಸ್ನೇಹಿತರ ರೀತಿಯಲ್ಲಿ ನಡೆಸಿಕೊಂಡರೆ ಕ್ಷೋಭೆ ಯ ಹಂತದ ಈ ಪ್ರಮುಖ ಘಟ್ಟ ದಾಟಿ ನಮ್ಮ ಮಕ್ಕಳು ಜವಾಬ್ದಾರಿ ಪ್ರಜೆಗಳಾಗುವುದರಲ್ಲಿ ಸಂದೇಹವಿಲ್ಲ.

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*