ಹಚ್ಚಿಬಿಡೋಣ ಸ್ನೇಹದ ದೀಪ
ಅಳಿಸಿಬಿಡೋಣ ದ್ವೇಷದ ಶಾಪ||
ಜಾತಿ ಮತದ ಕೊಳೆ ತೊಳೆದು
ಮೇಲು ಕೀಳಿನ ತರತಮ ಜರಿದು
ಅಸಹಿಷ್ಣುತೆಯ ವಾದ ತೊಡೆದು
ಎಲ್ಲರೂ ಸ್ನೇಹದ ದೀಪ ಹಚ್ಚೋಣ||
ನಗುವುದ ಎಲ್ಲರಿಗೂ ಕಲಿಸೋಣ
ನಗುತಾ ನಲಿಯುತ ಬಾಳೋಣ
ಮಗುವಿನ ನಗುವ ಕಲಿಯೋಣ
ನಾವು ನಗುವಿನ ದೀಪ ಹಚ್ಚೋಣ||
ಗಡಿಗಳ ಗೊಡವೆ ಬಿಡೋಣ
ಪ್ರತ್ಯೇಕತೆ ಕೂಗು ತಡೆಯೋಣ
ವಿಶ್ವಮಾನವತೆ ತತ್ವ ಸಾರೋಣ
ವಸುಧೈವಕುಟುಂಬಕಂ ಎನ್ನೋಣ||
*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*
No comments:
Post a Comment