ಅಜ್ಞಾನಿಗಳಿಗೆ ಎಂದು ಬುದ್ದಿ ನೀಡುವೆ ಹೇಳು ಶಿವ
ಅಧರ್ಮಿಯರಿಗೆ ಎಂದು ಬುದ್ದಿಕಲಿಸುವೆ ಹೇಳು ಶಿವ?
ಹಸುಳೆ ಮುದುಕಿಯರ ಬಿಡರು ದುಷ್ಟ ದೂರ್ತ ಕೀಚಕರು
ಅತ್ಯಾಚಾರ ಅನಾಚಾರಗಳ ಎಂದು ನಿಲಿಸುವೆ ಹೇಳು ಶಿವ?
ಮಣ್ಣು ನೀರು ಗಾಳಿ ಮನಗಳು ಮಲಿನವಾಗುತಿವೆ
ಉಳಿಸಿ ಬೆಳೆಸುವ ಮನವ ಎಂದು ಕೊಡುವೆ ಹೇಳು ಶಿವ?
ಕಾನನ ಖಗ ಮೃಗಗಳ ಮಾರಣ ಹೋಮ ನಿರಂತರವಾಗಿದೆ
ಸಹಬಾಳ್ವೆ ಜೀವನವನು ಎಂದು ಕಲಿಸುವೆ ಹೇಳು ಶಿವ?
ಅನ್ನವಿಲ್ಲದೆ ಕೆಲವರು, ಅತಿಯಾಗಿ ಕೆಲವರ ಮರಣ ನಿರಂತರ
ಸೀಜೀವಿಯ ಪ್ರಭುದ್ದತೆ ಸಮಾಜ ಎಂದು ನೀಡುವೆ ಹೇಳು ಶಿವ?
*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*
