ಪ್ರಜಾಪ್ರಗತಿ ೨೯/೯/೨೧

 

ವೈಬ್ರಂಟ್ ಮೈಸೂರು. ೨೮/೯/೨೧

 

ಟೆಂಟ್

 

ಹನಿಗವನ

ಬೇಕಿಲ್ಲ ನನಗೆ ಬಂಧನದಂತೆ
ಕಾಣುವ ಅಪಾರ್ಟ್‌ಮೆಂಟ್|
ಸುಂದರ ಪರಿಸರದಲಿ
ಇದ್ದರೂ ಸುಖವಾಗಿರುವೆ
ಹಾಕಿಕೊಂಡು ಸಣ್ಣ ಟೆಂಟ್||

ಸಿಹಿಜೀವಿ
ಸಿ ಜಿ ವೆಂಕಟೇಶ್ವರ

ಚಿನ್ನಮ್ಮನ ಸೈಕಲ್ .ವಿಶ್ವ ಹೆಣ್ಣುಮಕ್ಕಳ ದಿನದ ನೆನಪಿಗೆ

 ಶಿಶುಗೀತೆ 

*ಚಿನ್ನಮ್ಮನ ಸೈಕಲ್*

ಮೂರು ಗಾಲಿಯ ಸೈಕಲ್

ತುಳಿಯುತ ಬಂದಳು ಚಿನ್ನಮ್ಮ

ಹಿಂದಕೆ ಮುಂದಕೆ ಚಲಿಸಿ 

ನಲಿಯುತ ಇದ್ದಳು ಕಂದಮ್ಮ||

ಟ್ರಿಣ್ ಟ್ರಿಣ್ ಬೆಲ್ಲು ಒತ್ತುತಾ 

ಮನೆಯಲ್ಲೆಲ್ಲಾ ಸುತ್ತಿದಳು

ಸಂತಸದಿಂದ ನಕ್ಕು ನಲಿಯುತ

ನಗುವಿನ ವದನ ತೋರಿದಳು||

ಜೋರಾಗಿ ತುಳಿಯುತ  ಮುಗುಚಿ

ಬಿದ್ದಿತು ಸೈಕಲ್ಲು

ಅಪ್ಪ ಎತ್ತಿದರು ನೋಡಿದರಾಗ

ಮುರಿದು ಬಿದ್ದಿತ್ತು ಒಂದಲ್ಲು||

ಅಳುತಲಿ ಅಮ್ಮನ ಮಡಿಲು

ಸೇರಿದಳು ಚಿನ್ನಮ್ಮ

ಕೋಲನು  ಎತ್ತುತಾ ಸೈಕಲ್ಗೆ

ಎರಡೇಟು ಕೊಟ್ಟರು ಅವರಮ್ಮ ||

ಅಪ್ಪ ಹೇಳಿದರು ಮತ್ತೆ ತುಳಿ

ಅದೇ ಸೈಕಲ್ಲು

ತಲೆಯಾಡಿಸುತಾ ಮಗಳು

ತೋರಿದಳು ಮುರಿದ ಹಲ್ಲು||

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ

ತುಮಕೂರು

ನನ್ನ ಪುತ್ರಿಯರು

 

ವಿಶ್ವ ಹೆಣ್ಣುಮಕ್ಕಳ ದಿನದ ನೆನಪಿಗಾಗಿ 

"ಚುಟುಕುಗಳು*

೧

ನನಗೆ ಬಹಳ ಹೆಮ್ಮೆ

ನಮ್ಮನೆಯಲಿವೆ ಮುತ್ತು

ರತ್ನಗಳು |

ಅವರೇ ನನ್ನೆರಡು ಕಣ್ಣುಗಳಾದ 

ಹೆಣ್ಣು ಮಕ್ಕಳು ||

೨

ಜ್ಞಾನ ,ವಿನಯ, ಭಕ್ತಿ ಸದ್ಗುಣದಲಿ

ಅವರಿಗೆ ಸಾಟಿ ಇನ್ನಾರು|

ಸಮಯ ಬಂದರೆ ಗುರುವಿಗೆ ಗುರು ನನ್ನ ಪುತ್ರಿಯರು ||

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ