ರಜ .ಮಜ ( ಶಿಶುಗೀತೆ)

 

ಶಿಶುಗೀತೆ
*ರಜ  ಮಜ*

ನಾನು ರಜೆಯ ಕಳೆಯುವೆ
ರಜದಿ ಮಜವ ಮಾಡುವೆ

ಅಜ್ಜಿ ಮನಗೆ ಹೋಗುವೆ
ಸಜ್ಜೆ ಬೆಲ್ಲ ತಿನ್ನವೆ

ಗೆಳೆಯರೊಡನೆ ಅಡುವೆ
ಒಳ್ಳೆಯ ಆಟ ಕಲಿವೆ

ಜಾತ್ರೆ ಗೆ ನಾ ಹೋಗುವೆ
ತುತ್ತೂರಿ ಊದುವೆ

ಮತ್ತೆ ಶಾಲೆಗೆ ಹಿಂತಿರುಗುವೆ
ಕಲಿಕೆಯಲ್ಲಿ ತೊಡಗುವೆ

*ಸಿ.ಜಿ ವೆಂಕಟೇಶ್ವರ*

ಚಿಟ್ಟೆಯಾಗುವಾಸೆ . ಶಿಶುಗೀತೆ

 

*ಚಿಟ್ಟೆಯಾಗುವಾಸೆ* 

ತೋಟದಿ ಕಂಡೆನು 

ವಿಧ ವಿಧ ಚಿಟ್ಟೆ

ಪಟ್ಟೆಯ ಚಿಟ್ಟೆಯ

ಕಂಡು ಕುಣಿದಾಡಿಬಿಟ್ಟೆ. 

ಒಂದೇ ಎರಡೇ ನೋಡು 

ನೂರಾರು ಬಣ್ಣ

ಈ ಪರಿ ಬಣ್ಣವ

ಬಳಿದವರಾರಣ್ಣ?

ರೆಕ್ಕೆಯ ಬಡಿಯುತ 

ಪಕ್ಕದಿ ನಲಿದವು

ನೋಡಲು ಕಣ್ಣಿಗೆ

ಏನೋ ಆನಂದವು.

ಲವಲವಿಕೆಯಲಿ 

ನಲಿವವು ಅನುದಿನದಿ

ಚಿಟ್ಟೆಯಾಗುವಾಸೆ 

ಮುಂದಿನ ಜನ್ಮದಿ.

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ

ಗಂಟು . ಹನಿ

 *ಗಂಟು*

ಮದುವೆಯಲ್ಲಿ ನಾನು

ನನ್ನವಳಿಗೆ ಹಾಕಿದ್ದೆ

ಮೂರು ಗಂಟು|

ಅದೇ ಸಿಟ್ಟಿಗೆ 

ಪ್ರತಿದಿನವೂ ಮುದ್ದೆಯಲಿ

ಮಾಡುತಿರುವಳು

ಹತ್ತಾರು ಗಂಟು||

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ

ಋಣ ಹನಿ

 ಋಣ

ಆಡಂಬರ ತೋರುತ್ತಾ ಹೋಟೆಲ್  ಅನ್ನವನ್ನು ತಿನ್ನಲು ಬೇಕೇ 

ಬೇಕು ಹಣ|

ಜೋಪಡಿಯಾದರೂ ಪ್ರೀತಿಯಿಂದ

ಕೂಡಿದ  ಅಮ್ಮನ  ಕೈ ತುತ್ತು ತಿನ್ನಲು 

ಬೇಕು ಋಣ||

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ

ದಿನಾಂಕ ೧೧/೩/೨೧/ ರಂದು ಜನಮಿಡಿತ ಪತ್ರಿಕೆ