ಮರಗಿಡಗಳ ಬೆಳೆಸೋಣ ನಾವು
ಪರಿಸರವನು ಉಳಿಸೋಣ |ಪ|
ನಾವು ಮಾಡಿದ ಮಲಿನತೊಳೆಯಲು
ನಮ್ಮ ಮುಂದಿನ ಪೀಳಿಗೆ ಉಳಿಸಲು
ಭಗ್ನಗೊಂಡ ಪ್ರಕೃತಿ ಬೆಳೆಸಲು
ಎಲ್ಲ ಜೀವಿಗಳಿಗೆ ಸಮಪಾಲು ನೀಡಲು|೧|
ನಿಲ್ಲಿಸಿ ಮರವ ಕಡಿವುದನಿಂದೆ
ಬೆಳೆಸಿ ಕಾಡನು ಬದುಕಲೆಂದೆ
ಪೋಲು ಮಾಡದಿರಿ ನೀರನ್ನು
ಉಳಿಸಿದ ನೀರು ಗಳಿಕೆಗೆ ಸಮಾನ|೨|
ಆಳಕೆ ಕೊರೆದರು ನೀರೆ ಇಲ್ಲ
ಮೇಳಕೆ ಹಕ್ಕಿಯ ಕಲರವ ಇಲ್ಲ
ಮೈಕಾಸುರನ ಹಾವಳಿ ನಿಂತಿಲ್ಲ
ಪ್ರಾಣಿ ಪಕ್ಷಿಗೆ ಉಳಿಗಾಲ ಇಲ್ಲ|೩|
ಉಸಿರಾಡೋ ಗಾಳಿ ಶುಧ್ದವೆ ಇಲ್ಲ
ವಾಹನ ಕಾರ್ಖಾನೆ ಬೆಳೆದಿವೆಯಲ್ಲ
ರೋಗಕೆ ವಾಯು ಕಾರಣವಾಯಿತಲ್ಲ
ಗಾಳಿಯ ಕೊಳ್ಳುವ ದಿನ‌ದೂರವಿಲ್ಲ|೪|
*ಸಿ.ಜಿ. ವೆಂಕಟೇಶ್ವರ*
*ಗೌರಿಬಿದನೂರು*
