ಗಜಲ್

 

ಗಜಲ್ 

ನಿನ್ನೊಡನೆ ಕಳೆದ ನೆನಪುಗಳ ಬುತ್ತಿ ಬಿಚ್ಚಿ ಮೆಲುಕು ಹಾಕುತಿರುವೆ 

ನೀನಿತ್ತ ಉಡುಗೊರೆಗಳ ನೋಡುತಾ

ಮೈ ಮರೆಯುತಿರುವೆ.

ನೀನಿಲ್ಲದೆ ಸಾಯಲೂ ಮನಸಿಲ್ಲದೆ ಬದುಕುತಿರುವೆ 

ಭರವಸೆಯ ಜೋಕಾಲಿಯ ಕಟ್ಟಿ ಜೀಕುತಿರುವೆ 

ಒಲವ ಪಡೆಯಲು ಅವಸರ ಬೇಕಿಲ್ಲ

ಎಂದು ಕಲಿಯುತಿರುವೆ

ಚೆಲುವಾಗಿರುವುದೆಲ್ಲಾ ನಂಬಿಕೆಗೆ ಅರ್ಹವಲ್ಲ ಎಂದು ಅರಿಯುತಿರುವೆ

ಸವಿನೆನೆಪುಗಳ ಮೆಲುಕು ಹಾಕಲು

ಶುಲ್ಕ ಬೇಡವೆಂದು ತಿಳಿಯುತಿರುವೆ

ಮನದಲೊಂದು ಮಹಲು ಕಟ್ಟಿ

ನಿನ್ನನ್ನು ಕರೆಯುತಿರುವೆ 

ಬಾಳಲಿ ಸಿಹಿಜೀವಿ ಬರುವಳೆಂಬ ಆಸೆಯಲಿ ಬದುಕುತಿರುವೆ  

ಭರವಸೆಯ ಕಣ್ಗಳಲಿ ನಿನ್ನ  ಹಾದಿಯನೆ ನೋಡುತಿರುವೆ.

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ