ಹೇ ಮನುಜ

ಹೇ ಮನುಜ ನೀನೇನು ಮಾಡಿರುವೆ ನೋಡು
ಅದರ ಫಲ ನೀನೆ ಉಣ್ಣುತಿರವೆ ನೋಡು

ಗಿಡ ಮರಗಳಿಂದ ಕಂಗೋಳಿಸಿತು ಧರೆ  ಅಂದು
ಮೃಗ ಖಗಗಳಿಂದ ನಲಿದಾಡಿತು ಇಳೆ ಅಂದು
ಬಡಬಾಗ್ನಿಯ ಜಳ ಸುಡುತಿದೆ ನಿನ್ನನಿಂದು
ಸ್ವಾರ್ಥ ಹೆಚ್ಚಿ ಮಾನವೀಯತೆ ಮಾಯವಿಂದು

ಇಂಗಾಲ ಮೀಥೇನ್ ಅಬ್ಬರಕೆ ನಲಯಗಿದೆ ದರೆ
ಜಾಗತಿಕ ತಾಪಮಾನಕೆ ಮಾನವ ಸೆರೆ
ಋತುಗಳೆಲ್ಲಾ ಈಗ ಹಿಂದು ಮುಂದು
ನೀರು ಗಾಳಿ ಕಲುಷಿತ ಎಂದೆಂದೂ

ಹುಲುಸಾದ ಕಾಡನ್ನು ಕಡಿದೆ ಸ್ವಾರ್ಥಕ್ಕೆ
ಸ್ವಚ್ಛಂದ ಪ್ರಾಣಿಗಳ ಬಡಿದೆ ನಿನ ಮೋಜಿಗೆ
ಖಗಮೃಗಗಳಿಂದ ಕೂಡಿದ ಕಾಡು
ಈಗ ಆಗಿದೆ ನೋಡು ನರಕದ ಬೀಡು

ಹಸಿರುಟ್ಟ ವನದೇವಿ ರಾರಾಜಿಸಿದಳು ಅಂದು
ಉಸಿರಾಡಲು ಕಷ್ಟಪಡುತಿಹೆ ಇಂದು
ನೀ ಬುದ್ದಿ ಕಲಿಯುವೆ ಎಂದು ?
ಪರಿಸರ ಉಳಿಸಲು ಪಣ ತೊಡು ಇಂದು

ಸಿ.ಜಿ.ವೆಂಕಟೇಶ್ವರ
ಗೌರಿಬಿದನೂರು