ಹನಿಗವನಗಳು (ಚಲುವೆ)

*ಹನಿಗವನಗಳು*
*೧*

*ವರದಕ್ಷಿಣೆ*

ಮದುವೆ ಆದ ನಂತರ
ನಾನೂ ಪಡೆದಿರುವೆ ವರದಕ್ಷಿಣೆ
ಚೆಲುವಾದ ಹೆಂಡತಿ ಚಿನ್ನ
ಮುದ್ದಾದ ಮುತ್ತಿ ನಂತಹ
ಎರಡು ಮಕ್ಕಳನ್ನ

*೨*

*ನಗಣ್ಯ*

ಅವನಿಗೆ ಮದುವೆಯಾಗಲು
ಹುಡುಗಿಯ ಚೆಲುವು
ನಗಣ್ಯ
ಕಾರಣ ಅವನಿಗೆ
ನಗವೇ ಗಣ್ಯ

*೩*
*ಬಿಲ್ಲು*
ಮದುವೆಯಾಗಲು ಹುಡುಗಿ
ಚೆಲುವೆಯೇ ಆಗಬೇಂದಿಲ್ಲ
ಕಟ್ಟಲು ಸಿದ್ದವಿರಬೇಕು
ಇವನ ಬಾರಿನ ಬಿಲ್ಲು

*೪*
*ಬರೆಯುವೆ*

ನಲ್ಲೆ ನಿನ್ನ ಚೆಲುವು
ಬಣ್ಣಿಸಲಸದಳ
ನಿನ್ನ ಮೇಲೆ ಕವಿತೆ
ಬರೆಯುವೆ
ಮುಚ್ಚು ಬಾಯಿ
ಮೊನ್ನೆ ಗೀತಾಗೂ ಹೀಗೇ
ಹೇಳಿರುವೆ

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*