ಮೊಳೆಯಲಿ ಸದ್ಭಾವನೆ

 

*ಮೊಳೆಯಲಿ ಸದ್ಭಾವನೆ*

ಅಹರ್ನಿಶಿ ಭಜಿಸುವೆನು ದೇವ

ನೀಗು ಜಗದ ಜೀವಿಗಳ ನೋವ

ಅಳಿಯಲಿ ಎಲ್ಲೆಡೆ ದುರ್ಭಾವನೆ 

ಮೊಳೆಯಲಿ ಸರ್ವರಲಿ ಸದ್ಭಾವನೆ 

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ

ತುಮಕೂರು

ತಾಳಿದವನು ಬಾಳಿಯಾನು...

 

ತಾಳಿದವನು ಬಾಳಿಯಾನು 

ಮದುವೆಯಾಗಲು ಹಾತೊರೆಯುವವನು

ಯೋಚಿಸುವುದೊಂದೆ

ತಾಳಿಕಟ್ಟಿದವನು ಬಾಳಿಯಾನು |

ಮದುವೆಯಾದವನು ಸಲಹೆ

ಕೊಡುವುದೊಂದೆ

ತಾಳಿದವನು ಬಾಳಿಯಾನು||

ಸಿಹಿಜೀವಿ

ಸಿ ಜಿ ವೆಂಕಟೇಶ್ವರ

ಸ್ನೇಹ ಸಮ್ಮಿಲನ

 

*ಸ್ನೇಹ ಸಮ್ಮಿಲನ*

ಬೇಡವೆಂದರೂ ನೆನಪಾಗುತ್ತದೆ

ಬಾಲ್ಯದಿ ಗೆಳಯರೊಡಗೂಡಿ

ಆಡಿ ಹಾಡಿ ನಲಿದ ದಿನ |

ಹಾತೊರೆಯುತ್ತಿದೆ ಮನ 

ಎಂದು ಆಗುವುದೋ

ಸ್ನೇಹ ಸಮ್ಮಿಲನ ||

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ

ಕಾಡತಾವ ನೆನೆಪು...

 ನಿರಾಭರಣ ಸುಂದರಿಯಾದರೂ

ಕಡಿಮೆಯೇನಲ್ಲ ನಿ‌ನ್ನ

ವಯ್ಯಾರ ಒನಪು|

ಬ್ಯಾಡವೆಂದರೂ ಬಂದು

ಬಂದು ಕಾಡತಾವ ನೆನೆಪು||

ಸಿಹಿಜೀವಿ 

ಮದ್ಯ ಪ್ರದೇಶ

 ಮದ್ಯ ಪ್ರದೇಶ 

ಬಾರ್ ಗಳ ಮುಚ್ಚಲು 

ಹೊಸ ಆದೇಶ ಮಾಡಿದೆ ಮಧ್ಯ ಪ್ರದೇಶ |

ಮನೆ  ಮಾತ್ರ ಕುಡಿಯುವ ತಾಣ

ಅದುವೇ ಮದ್ಯ ಪ್ರದೇಶ ||

ಸಿಹಿಜೀವಿ

ಸಿ ಜಿ ವೆಂಕಟೇಶ್ವರ

(ಮಧ್ಯ ಪ್ರದೇಶ ರಾಜ್ಯದಲ್ಲಿ ಬಾರ್ ಮುಚ್ಚಿ ,ಮದ್ಯ ಸೇವಿಸುವವರು  ಮನೆ ಗೆ ಮದ್ಯ ಕೊಂಡೊಯ್ಯಲು ಮಾಡಿದ ಆದೇಶ)