ಪುಟ್ಟನ ಜಾತ್ರೆ
ಅಪ್ಪನ ಜೊತೆಯಲಿ ಜಾತ್ರೆಗೆ
ಹೋಗಿ ಗೊಂಬೆಗಳ ಕೊಳ್ಳುವೆನು
ಅವುಗಳ ಜೊತೆಯಲ್ಲಿ ಆಟವನಾಡಿ
ಸಂತಸ ಪಡೆಯುವೆನು.
ಕೀಲಿ ಕೊಟ್ಟರೆ ಡೋಲು ಬಡಿಯುವ
ಗೊಂಬೆಯ ಕೊಳ್ಳುವೆನು
ಕಿಟಿ ಕಿಟಿ ಸದ್ದನು ಮಾಡುವ
ಆಟಿಕೆ ಕೇಳುವೆನು.
ಗಾಳಿಯ ಊದುತ ಬೆರಳನು
ಒತ್ತುವ ಕೊಳಲು ಕೊಳ್ಳುವೆನು
ಮುಳ್ಳುಗಳಿದ್ದರೂ ಟಿಕ್ ಟಿಕ್
ಎನ್ನುವ ಗಡಿಯಾರ ಕೇಳುವೆನು
ಬಣ್ಣ ಬಣ್ಣದ ಬಸ್ಸು ಲಾರಿ
ಕಾರನು ಕೊಳ್ಳುವೆನು
ಗಾಳಿಯ ಊದಿದ ದೊಡ್ಡದಾದ
ಬಲೂನು ಕೊಳ್ಳುವೆನು
*ಸಿಹಿಜೀವಿ*
ಸಿ ಜಿ ವೆಂಕಟೇಶ್ವರ
ತುಮಕೂರು
