ರಾಜ್ಯಮಟ್ಟದ ಕವಿಗೋಷ್ಟಿಯಲ್ಲಿ ನನ್ನ ಕವನ ವಾಚನ

ಈ ಭೂಮಿ ಬಣ್ಣದ ಬುಗುರಿ ನಾನು ಹಾಡಿದ ಹಾಡು

ಗಜಲ್ ೪೦ (ಸಾವು)

      *ಗಜಲ್೪೦*

ಬೇಕೆಂದು ಬಯಸಿದರೆ ಬರುವುದಿಲ್ಲ ಸಾವು
ಬೇಡವೆಂದರೂ ನಿಲ್ಲುವುದಿಲ್ಲ ಸಾವು

ಬಹುಕೃತ ವೇಷಗಳುಂಟು   ಬದುಕಲು
ಯಾವ ನಾಟಕಕು ಜಗ್ಗುವುದಿಲ್ಲ ಸಾವು

ಸಂಬಂಧಗಳಲಿ ಬಂದಿಗಳು ನಾವು
ಬಂದು ಬಾಂಧವರ ಲೆಕ್ಕವಿಡುವುದಿಲ್ಲ ಸಾವು

ಬಡವ ಬಲ್ಲಿದ ಮೇಲು ಕೀಳುಗಳ ಮೇಲಾಟ
ಎಲ್ಲರ ಸಮ ಮಾಡದೆ ಬಿಡುವುದಿಲ್ಲ ಸಾವು

ಸೀಜೀವಿಗೆ ಆಸೆ ಸಜ್ಜನರು ಬದುಕುಳಿಯಲು
ಒಳ್ಳೆಯ ಕೆಟ್ಟವರೆಂದು ಭೇದ ತೋರುವುದಿಲ್ಲ ಸಾವು

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*

ಪಣ ತೊಡುವೆವು (ಚಿತ್ರಕವನ)

*ಪಣತೊಡುವೆವು*



ಚಿಟ ಪಟ ಮಳೆಯಲ್ಲಿ
ಟಾರು‌ ರಸ್ತೆಯ ಇಳಿಜಾರಿನಲಿ
ಇಳಿದು ಸಾಗುತಿಹೆವು ನಾವು
ಕಂಬಳಿಯ ಕೊಪ್ಪೆ ಹೊದ್ದು
ನಿತ್ಯದ ಅನ್ನ ಅರುಸುತಲಿ

ಮಳೆ ಬಂದರೆ ಬಂತಲ್ಲ ಮಳೆ
ಜಡಿ‌ಮಳೆ ಯಾಕಾದರೋ ಬಂತೋ
ಎಂದು ಗೊಣಗುವ ನಗರದವರಲ್ಲ
ಮಳೆ ಹನಿಗೆ ಮಣ್ಣ ಪರಿಮಳ
ಸವಿಯುವವರು ನಾವೆಲ್ಲ

ರೈನುಕೋಟು ಅಂಬ್ರೆಲಾಗಳ
ಗೊಡವೆ ನಮಗೆ ಬೇಕಿಲ್ಲ
ಪ್ಲಾಸ್ಟಿಕ್ ಸಿಂಥೆಟಿಕ್ ಬಳಸುವುದಿಲ್ಲ
ಪರಿಸರ ಪೂರಕವಾದ
ಬಟ್ಟೆ ಕಂಬಳಿಗಳ ಬಿಡುವುದಿಲ್ಲ

ಕಾನನದ ಮಕ್ಕಳು ನಾವು
ವನದೇವತೆಯನು  ರಕ್ಷಿಸಲು
ಎಂದಿಗೂ ಬೆನ್ನ ತೋರೆವು
ಪರಿಸರದೊಂದಿಗೆ ಬಾಳುವ
ಪಣ ತೊಡುವೆವು

*ಸಿ.ಜಿ ವೆಂಕಟೇಶ್ವರ*
*ಗೌರಿಬಿದನೂರು*

*ನಿಮ್ಮೊಳಗಿನ ನಿಮ್ಮನ್ನು ಎಬ್ಬಿಸಿರಿ.*(ಸಂಗ್ರಹ ಲೇಖನ)

              *ಬೆಳಿಗ್ಗೆ 8 ರೊಳಗೆ ಮಾಡುವ (S.A.V.E.R.S)... ಎನ್ನುವ ಈ 6 ಅಭ್ಯಾಸಗಳು ನಿಮ್ಮ ಜೀವನವನ್ನೇ ಬದಲಿಸಿತ್ತದೆ..!*

*ಹಲ್ ಎಲೋರ್ಡ ಎನ್ನುವ ಪ್ರಮುಖ ರಚನೆಕಾರ ಬರೆದ "ದ ಮಿರಾಕಿಲ್ ಮಾರ್ನಿಂಗ್" ಎನ್ನುವ ಪುಸ್ತಕದಲ್ಲಿ

ಬೆಳಿಗ್ಗೆ 8 ರೊಳಗೆ ಮಾಡುವ
 6 ಕೆಲಸಗಳು ನಿಮ್ಮ ಜೀವನವನ್ನೇ ಬದಲಿಸುತ್ತದೆ ಎಂದು ಬಹಳ ಸ್ಪಷ್ಟವಾಗಿ ತಿಳಿಸಿದ್ದಾರೆ*

*ಕಾರ್ ಆಕ್ಸಿಡೆಂಟ್ ಆಗಿ ಕೋಮಾದಿಂದ ಹೊರಬಂದ ಈ ರಚನೆಕಾರ ಈಗ ತನ್ನ ರಚನೆಗಳಿಂದ ಪ್ರಪಂಚವನ್ನು ಆಲೋಚಿಸುವಂತೆ ಮಾಡುತ್ತಿದ್ದಾನೆ.*

*ಆನಂದಕ್ಕೆ 6 ಅಂಶಗಳ ಸೂತ್ರ S.A.V.E.R.S.*

*🔺S- Silence (ನಿಶ್ಯಬ್ದ)...*

ನಮ್ಮ ಪ್ರತಿದಿನವನ್ನು ಬಹಳ ನಿಶ್ಯಬ್ದದಿಂದ ಆರಂಭಿಸಬೇಕು... ಅಂದರೆ ಪ್ರಶಾಂತತೆಯಿಂದ ಪ್ರಾರಂಭಿಸಬೇಕು...

 *ಏಳುವುದು ತಡವಾಯಿತು...ಅಯ್ಯೋ ಹೇಗೆ..? ಆಫಿಸ್ ಕೆಲಸ.. ಇಂದು ಆತನನ್ನು ಭೇಟಿಯಾಗುತ್ತೇನೆ ಎಂದು ಹೇಳಿದೆ... ಏನೇ... ಟಿಫಿನ್ ಆಯ್ತಾ... ಹೀಗೆಲ್ಲಾ ಗಾಬರಿಯಾಗಬೇಡಿ.. ಪ್ರಶಾಂತವಾಗಿ ಎದ್ದ ಕೂಡಲೇ... ಸ್ವಲ್ಪ ಹೊತ್ತು ಧ್ಯಾನ ಮಾಡಿರಿ ಅಥವಾ ಕಣ್ಣು ಮುಚ್ಚಿಕೊಂಡು ಪ್ರಶಾಂತತೆಯನ್ನು ನಿಮ್ಮ ಮನಸ್ಸಿನೊಳಗೆ ಆಹ್ವಾನಿಸಿರಿ. ಇಲ್ಲೇ ನಮ್ಮ ದಿನ ಹೇಗೆ ನಡೆಯುತ್ತದೆ ಎನ್ನುವುದು ಡಿಸೈಡ್ ಆಗಿ ಹೋಗುತ್ತದೆ.*

*🔺A-Affirmations*

( ನಿನ್ನೊಂದಿಗೆ ನೀನು ಮಾತನಾಡಿಕೊಳ್ಳುವುದು)... ಎಲ್ಲರ ಬಗ್ಗೆ, ಎಲ್ಲಾ ವಿಷಯಗಳ ಬಗ್ಗೆ ಅನರ್ಗಲವಾಗಿ ಮಾತನಾಡುವ ನಾವು.. ನಮ್ಮೊಂದಿಗೆ ನಾವು ಒಂದು ಬಾರಿಯೂ ಮಾತನಾಡಿಕೊಳ್ಳುತ್ತಿಲ್ಲ. ಅಷ್ಟಕ್ಕೂ ನಮ್ಮೊಳಗಿನ ನಮಗೆ ಏನು ಬೇಕು? ದೊಡ್ಡ ಮಟ್ಟಕ್ಕೆ ಬೆಳೆದವರಲ್ಲಿ ಖಚಿತವಾಗಿ ಈ ಲಕ್ಣವು ಇರುತ್ತದೆ. ಈ ಮೂರು ಪಾಯಿಂಟ್ಸ್ ಪ್ರತಿನಿತ್ಯವೂ ನಿಮ್ಮೊಂದಿಗೆ ನೀವು ಮಾತನಾಡಿಕೊಳ್ಳಿರಿ.
1. ನಾನು ಏನು ಆಗಬೇಕೆಂದುಕೊಳ್ಳುತ್ತಿದ್ದೇನೆ?
2. ಅದಕ್ಕಾಗಿ ನಾನು ಏನು ಪ್ರಯತ್ನಗಳನ್ನು ಮಾಡುತ್ತಿದ್ದೇನೆ?
3. ಅಂದುಕೊಂಡಿದ್ದನ್ನು ಸಾಧಿಸಲು ನಾನು ಏನ್ನನ್ನು ಬಿಟ್ಟು ಬಿಡಬೇಕು? ಯಾವುದನ್ನು ಹೊಸದಾಗಿ ಆಹ್ವಾನಿಸಬೇಕು? ಹೀಗೆ ಪ್ರತಿನಿತ್ಯವೂ ನಮ್ಮಲ್ಲಿ ನಾವು ಮಾತನಾಡಿ ಕೊಳ್ಳುತ್ತಾ... ನಮ್ಮಲ್ಲಿನ ಬದಲಾವಣೆಯನ್ನು ನಾವೇ ಲೆಕ್ಕ ಹಾಕಿಕೊಳ್ಳಬೇಕು!

*🔺 Visualisation* (ಆತ್ಮಸಾಕ್ಷಾತ್ಕಾರ)... ನಮ್ಮಲ್ಲಿನ ಭಾವನೆಗಳಿಗೆ ಮನಸ್ಸಿನಲ್ಲಿ ದೃಶ್ಯರೂಪ ನೀಡುವುದು. ಕಾನ್ಸಿಯಸ್ ನಿಂದ ಕನಸುಗಳನ್ನು ಕಾಣುವುದು! ಬೆಳಿಗ್ಗೆಯೇ ನಮ್ಮ ಲಕ್ಷ್ಯವು ನಮ್ಮ ಕಣ್ಣು ಮುಂದೆ ಕಾಣಿಸಿದರೆ... ಅದನ್ನು ಸೇರಿಕೊಳ್ಳುವುದಕ್ಕಾಗಿ ಎರಡರಷ್ಟು ಉತ್ಸಾಹದಿಂದ ಪ್ರಯತ್ನ ಮಾಡುತ್ತೇವೆ.

*🔺E-Exercise*

- ಇದು ಪ್ರತಿಯೊಬ್ಬರೂ ತಿಳಿದ ವಿಷಯವೇ... ಕಂಡಗಳು, ನರಗಳು ಉತ್ತೇಜನಗೊಂಡು ಹೊಸ ಶಕ್ತಿಯನ್ನು ಪ್ರೇರೇಪಿಸುತ್ತದೆ.

*🔺R-reading*

- ದಿನಕ್ಕೆ ಹತ್ತು ಪೇಜು ಓದುವುದನ್ನು ಅಭ್ಯಾಸ ಮಾಡಿಕೊಳ್ಳಬೇಕು... ಇದು ನಮ್ಮೊಳಗಿನ ಅಂತರ್ಗತ ಶಕ್ತಿಯನ್ನು ಪ್ರೇರೇಪಿಸುತ್ತದೆ. ನಿರ್ದಿಷ್ಟವಾದ ಬುಕ್ ಅನ್ನೇ ಓದಬೇಕು ಅಂತ ಏನೂ ಇಲ್ಲ.. ನಿಮಗೆ ಇಷ್ಟವಾದ ಬುಕ್ ಅನ್ನು ಓದುತ್ತಾ ಇರಿ.

*🔺S-Scribing*

 (ಬರೆಯುವುದು) - ಬೆಳಿಗ್ಗೆ ಎದ್ದಕೂಡಲೇ... ನಿಮ್ಮ ಮನಸ್ಸಿಗೆ ಬಂದ ಲೈನ್ಸ್ ಬರೆಯಿರಿ... ಇದನ್ನು ಮಾರ್ನಿಂಗ್ ಪೇಜಸ್ ಎನ್ನುತ್ತಾರೆ. ಹೀಗೆ ನೀವು ಪ್ರತಿನಿತ್ಯವೂ ಬರೆಯುತ್ತಾ ಇದ್ದರೆ... ನಿಮ್ಮ ಆಟಿಟ್ಯೂಡ್ ನಲ್ಲಿ ನಿಮಗೆ ತಿಳಿಯದ ಪಾಸಿಟಿವ್ ವೇವ್ಸ್ ಬರುತ್ತದೆ.

*ಸೋ... ಈ ಎಲ್ಲಾ ಕೆಲಸಗಳನ್ನು ಬೆಳಿಗ್ಗೆ 8 ರೊಳಗೆ ಮಾಡಬೇಕು. ಆಲ್ ದಿ ಬೆಸ್ಟ್...*

*ನಿಮ್ಮೊಳಗಿನ ನಿಮ್ಮನ್ನು ಎಬ್ಬಿಸಿರಿ.*
ಸಿ.ಜಿ.ವೆಂಕಟೇಶ್ವರ
ಗೌರಿಬಿದನೂರು