ಸಂವಿಧಾನವೇ ಸಾರ್ವಭೌಮ (ಕವನ)

ಸಂವಿಧಾನವೇ ಸಾರ್ವಭೌಮ

ಬದುಕಲು ಬೇಕೊಂದು ಸುವಿಧಾನ
ನಮ್ಮ ಆಡಳಿತಕೆ ಬೇಕು ಸಂವಿಧಾನ
ಪೂರ್ವಪೀಠಿಕೆ ಬಹು ಗುಣಗಳ ಗಣಿ
ಶೋಷಿತರ ಪಾಲಿನ ಪರಶು ಮಣಿ.

ಆಡಳಿತ ನಡೆಸಲು ಮಾರ್ಗದರ್ಶಕ
ಸರ್ವರ ಹಕ್ಕುಗಳ ಮಹಾರಕ್ಷಕ
ಎತ್ತಿಹಿಡಿವುದು ನಮ್ಮ ಕಾಯಕ
ಇದನು ಪಾಲಿಸಿದರೆ ಸಿಗುವುದುನಾಕ.

ಸಮಾನತೆ ಜಾತ್ಯಾತೀತ‌ ತತ್ವವಿದೆ 

ಪ್ರಜಾಪ್ರಭುತ್ವದ ಸತ್ವವಿದೆ
ಸಮಾಜವಾದದ ಪ್ರತಿಪಾದನೆಯಿದೆ
ಸಾರ್ವತ್ರಿಕ ಚುನಾವಣೆಗಳ ಹಬ್ಬವಿದೆ.

ತೊಲಗಲಿ ಜನರಲಿ ತಮ
ಬೇಡ ಎಂದಿಗೂ ತರತಮ
ನಾವೂ ನೀವು ಎಲ್ಲರೂ ಸಮ
ಸಂವಿಧಾನವೇ‌ ಸಾರ್ವಭೌಮ.

*ಸಿ ಜಿ‌ ವೆಂಕಟೇಶ್ವರ*