ಹೆಣ್ಣು ಹೊನ್ನು ಮಣ್ಣಿದೆ ಸಿಗಬಹುದೆ ನೆಮ್ಮದಿ
ಮಣ್ಣಾಗುವ ಮುನ್ನವಾದರೂ ಲಭಿಸುವುದೆ ನೆಮ್ಮದಿ
ಏಸು ದಿನ ನೀರಲಿದ್ದರೆ ಮೆದುವಾಗುವುದೆ ಕಲ್ಲು
ನದಿಗಳಲಿ ತೀರ್ಥ ಸ್ನಾನ ಮಾಡಿದರೆ ದೊರೆವುದೆ ನೆಮ್ಮದಿ
ಮನಃಪೂರ್ವಕವಾಗಿ ದಾನ ಧರ್ಮ ಮಾಡಲಿಲ್ಲ
ತೋರಿಕೆಯ ಸಹಾಯಹಸ್ತ ಚಾಚಿದರೆ ಸಿಗುವುದೆ ನೆಮ್ಮದಿ
ಮಾಡುವುದು ಅನಾಚಾರ ಮನೆಮುಂದೆ ವೃಂದಾವನ
ಒಳಗೊಂದು ಹೊರಗೊಂದು ಇದ್ದರೆ ಕಾಣಬಹುದೆ ನೆಮ್ಮದಿ
ಸಿಹಿಯೇ ಬೇಕು ಜೀವನದಿ ಸಿಹಿಜೀವಿಗೆ
ಕಹಿಯ ದಾರಿ ಸವೆಸದೇ ಪಡೆಯಬಹುದೆ ನೆಮ್ಮದಿ
*ಸಿ ಜಿ.ವೆಂಕಟೇಶ್ವರ*
*ಗೌರಿಬಿದನೂರು*
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ