ತೊಲಗಿಸು ಕರೋನ ಬೇಗ(ಶಿಶುಗೀತೆ)

*ತೊಲಗಿಸು ಕರೋನ ಬೇಗ*

(ಶಿಶುಗೀತೆ)

ಹೊರಗೆ ಹೋಗದಿರು‌‌ ಕಂದ
ಅಲ್ಲಿದೆ ಮಾರಿ ಕರೋನ
ಮನೆಯೇ ದೇಗುಲ ನಮಗೆ
ಹೊರಗೆ ಹೋಗದಿರೋಣ.

ಮನೆಯಲಿ ಆಡುತ ಪಾಡುತ
ಅಜ್ಜಿ ಕತೆಯನು ಕೇಳೋಣ
ಅಮ್ಮನು ಮಾಡಿದ ರುಚಿರುಚಿ
ತಿಂಡಿಯ ಚಪ್ಪರಿಸಿ ತಿನ್ನೋಣ.

ಚಿತ್ರವ ಬಿಡಿಸು  ಹಾಡು
ಬೆಳೆಯಲಿ ನಿನ್ನ ಹವ್ಯಾಸ
ಸಹಾಯ ಮಾಡು ಅಮ್ಮನಿಗೆ
ಕಳೆಯಲಿ ಅವರ ಆಯಾಸ

ಸ್ವಚ್ಛತೆ ಇರಲಿ ಮನೆಯಲ್ಲಿ
ಸುಳಿಯದು ಯಾವುದೆ ರೋಗ
ದೇವರ ಬೇಡುವ  ‌ನಾವು
ತೊಲಗಿಸು ಕರೋನ ಬೇಗ

*ಸಿ ಜಿ‌ ವೆಂಕಟೇಶ್ವರ*
*ತುಮಕೂರು*