ಪಟ್ಟದರಸಿಯಾಗು (ಭಾವಗೀತೆ) ಮದುಮಗಳಿಗೆ ತಾಯಿಯ ಬುದ್ದಿ ಮಾತುಗಳು

*ಪಟ್ಟದರಿಸಿಯಾಗು*

ಅಮ್ಮ ನಾನೀಗ ಹೇಳುವೆ ಕೇಳು
ನಮ್ಮನೆಯ ಮುತ್ತು ನೀ ಕೇಳು
ಹೆಮ್ಮೆಯ ಸೊಸೆಯಾಗಿ ಬಾಳು
ಸುಮ್ಮನೆ ಗೊಡವೆ ಮಾಡದಿರು| ಪ|

ಸುತ್ತುವ ಮನವನು ಹಿಡಿದಿಡು
ಸುತ್ತೆಲ್ಲ ಎಚ್ಚರದ ಕಣ್ಣಿಡು
ಮಾತುಗಳ ಕಡಿಮೆ ಮಾಡು
ಅತ್ತೆಗೆ ಮುದ್ದಿನ ಸೊಸೆಯಾಗು|೧|

ಇಟ್ಟ ಮನೆಯ ಮರೆಯದಿರು
ಕೊಟ್ಟ ಮನೆಯ ತೊರೆಯದಿರು
ಕೆಟ್ಟವರ ಸಂಘ ಮಾಡದಿರು
ಪಟ್ಟದರಿಸಿಯಾಗು ನಿನ್ನ ಗಂಡಗೆ|೨|

ವಿರಸದ ಮಾತನು ಕಡಿಮೆ ಮಾಡು
ಸರಸದಿಂದಲಿ ಗಂಡನ ಕೂಡು
ಸಮರಸದ ಸಂಸಾರ ಮುನ್ನೆಡೆಸು
ಮಾದರಿ ತಾಯಾಗು ನಿನ್ನ ಮಕ್ಕಳಿಗೆ|೩|

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*