ಗಜ಼ಲ್ ೮(ಅರಿಯದಾದೆ)

*ಗಜಲ್೮*

ಒಲವ ಗೆಳತಿಯ ನಿಜ ಒಲವನು ಅರಿಯದಾದೆ |
ಚೆಲುವ ಪ್ರೇಯಸಿಯ ಮನವನು ಅರಿಯದಾದೆ |

ಸಹಾಯ ಬೇಡುವ ನೆಪದಿ ಬಂದು ಸಹವಾಸ ಬಯಸಿ|
ಸಹಚರ್ಯ ಬೇಡಿದ ನಿನ್ನ ಒಲುಮೆಯನು  ಅರಿಯದಾದೆ |


ನನ್ನ ಬಾಳ ಹಸನಾಗಿಸಲು ಬರುವನೆಂದು ಹೇಳಿದ|
ನಿನ್ನ ಕಣ್ಣುಗಳ ಪ್ರೀತಿಯ ಭಾಷೆಯನು ಅರಿಯದಾದೆ |

ಹಸನ್ಮುಖ ತೋರಿ ಆಂತರ್ಯ ತೋರ್ಪಡಿಸುವ|
ಮುಖಾರವಿಂದದ ಉತ್ಕಟ ಬಯಕೆಯನು ಅರಿಯದಾದೆ|

ಆಂಗಿಕ ಭಾಷೆಯ ಮೂಲಕ ಸೀಜೀವಿಯೊಂದಿಗೆ ಸಂಗಮವಾಗಲು|
ಬಯಸಿದ ನಿನ್ನ ಅಂತರಾತ್ಮವನು ಅರಿಯದಾದೆ |

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*