ಬಾಲ್ಯದ ಮರೆಯಲಾಗದ ಅವಿನಾಭಾವ ನೆನಪುಗಳು ಮಧುರ
ಮನದಲಿ ಬಂದು ಆಗಾಗ ಕಾಡುವ ಭಾವನೆಗಳು ಮಧುರ
ಎಮ್ಮೆಯೇರಿ ಯಮಧರ್ಮನಂತೆ ಹೆಮ್ಮೆಯ
ದನಕರು ಮೇಯಿಸಿದ ನೆನಪುಗಳು ಮಧುರ
ಮೇಲೀರಿದರೂ ಚಿಕ್ಕವನಾಗಿರು ಎಂಬ ತತ್ವ
ಸಾರಿದ ಗಾಳಿಪಟ ಹಾರಿಸಿದ ಆಟಗಳು ಮಧುರ
ಅಪ್ಪ ಅಮ್ಮನಾಟ, ನಾಟಕಗಳನ್ನು ಅಭಿನಯಿಸಿ
ಅವ್ಯಕ್ತ ಜವಾಬ್ದಾರಿ ಹೊತ್ತಿದ್ದ ಸಂಬಂಧಗಳು ಮಧುರ
ಕಾಡು ಮೇಡುಗಳಲೆದು ಹೆಜ್ಜೇನು ದಾಳಿಯಿಟ್ಟಾಗ
ಕುಗ್ಗದೆ ಜಗ್ಗದೆ ಪಶುಗಳಿಗೆ ಮೇವು ತಂದ ಕಷ್ಟಗಳು ಮಧುರ
ಸೀಜೀವಿ ತಣಿಸಿದ ಜೀರ್ಜಿಂಬೆ ಗುಯ್ ಗುಡುವ ನಾದ
ಎಳೆಗರು,ಮಗುವಿನ ಅಳುವಿನ ಸಂಗೀತಗಳು ಮಧುರ
*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*
No comments:
Post a Comment