ಸವಾರಿ (ಕವನ)

*ಸವಾರಿ*

ಪ್ರಿಯೆ ಹೋಗೋಣ  ಸವಾರಿ
ನನ್ನ ಹೃದಯದಂಬಾರಿ ಏರಿ
ನನ್ನಂಬಾರಿಯಲಿ ಬಂಗಾರವಿಲ್ಲ
ಬೆಲೆಬಾಳುವ  ಮುತ್ತು ರತ್ನಗಳಿಲ್ಲ


ದುಬಾರಿ ಅಲಂಕಾರಗಳಿಲ್ಲ
ಸವಿಯಾದ  ಪ್ರೀತಿಗೆ ಬರವಿಲ್ಲ
ಆಡಂಬರದ ಅಲಂಕಾರ ಬೇಕಿಲ್ಲ
ಸಡಗರದ ಒಲುಮೆ ಸಾಕಲ್ಲ

ಮೇಲು ಕೀಳುಗಳ ಗೊಡವೆಯಿಲ್ಲ
ತಾಳ ಮೇಳಗಳಿಗೆ ಕೊನೆಯಿಲ್ಲ
ಕಪಟ ಕೇಡುಗಳಿಗೆ ಜಾಗವಿಲ್ಲ
ಹೃದಯದ ಭಾಷೆಗೆ ಮಿತಿಯಿಲ್ಲ

ಸಾಗುತ ಮುಂದೆ ಹೋಗೋಣ
ಪ್ರೀತಿಯ ಸಂದೇಶ ಸಾರೋಣ
ಪ್ರೀತಿಯ ರಾಯಬಾರಿಗಳಾಗೋಣ
ಪ್ರೀತಿಗೆ ಗೆಲುವು ಎನ್ನೋಣ

*ಸಿ.ಜಿ ವೆಂಕಟೇಶ್ವರ*
*ಗೌರಿಬಿದನೂರು*