ವರಮಹಾಲಕ್ಷ್ಮಿ ನಮ್ಮ ಮನೆಗೆ ಬಾರಮ್ಮ
ನಿನ್ನ ಕರುಣೆಯ ಭಾಗ್ಯವ ನಮಗೆ ತೋರಮ್ಮ
ಸಕಾಲಕೆ ಮಳೆ ಬೆಳೆ ಬಂದು ರೈತರ ಮೊಗದಲಿ ಹರುಷದ ಕಳೆ ತಾರಮ್ಮ
ಮರ ಗಿಡಗಳಲ್ಲಿ ಜೀವ ಕಳೆ ತಂದು
ಇಳೆಯ ಜೀವಿಗಳಿಗೆ ನೆಮ್ಮದಿ ನೀಡಮ್ಮ
ನಮ್ಮನಾಳುವವರಿಗೆ ಅರಿವ ವರ ನೀಡು
ಮತಧರ್ಮದೆಸರಲ್ಲಿ ಕಚ್ಚಾಟ ನಿಲ್ಲಿಸಲು
ನಮ್ಮ ನಮ್ಮಲ್ಲಿ ಭೇದ ಭಾವ ಮಾಡಿ ತಮ್ಮ
ಬೇಳೆ ಬೇಯಿಸಿಕೊಳ್ಳದಂತೆ ಬುದ್ದಿ ನೀಡು
ವರವ ನೀಡು ಸಿರಿವಂತರಿಗೆ ಮಾಡದಿರಲು ಅತಿ ಸಂಪತ್ತು
ನೀಡು ಸರ್ವರಿಗೂ ಸರಿಸಮವಾದ ಆಯುರಾರೋಗ್ಯ ಸೌಲತ್ತು
ನೀಡು ವರವ ಜಗದ ನಾಯಕರಿಗೆ ಮಾಡದಿರುವಂತೆ ಅನಗತ್ಯ ಯುದ್ಧ
ಶಾಂತಿ ಸಹಬಾಳ್ವೆ ನಡೆಸಲು ನಾವೆಲ್ಲರೂ
ಎಂದೆಂದಿಗೂ ಬದ್ದ.
ಸಿ.ಜಿ ವೆಂಕಟೇಶ್ವರ
ಗೌರಿಬಿದನೂರು.
No comments:
Post a Comment