*ಸಿಡಿದೇಳು*
ನಮ್ಮಯ ನಾಡಿನ
ಹೆಮ್ಮೆಯ ತಂಗಿ ಎದ್ದೇಳು
ಅಕ್ರಮ ಅನ್ಯಾಯ
ಕಂಡರೆ ಸಿಡಿದೇಳು.
ಬಗ್ಗದೆ ಜಗ್ಗದೆ ಮುನ್ನುಗ್ಗು
ಲಜ್ಜೆತನವನು ಸರಿಸು
ಪೋಲಿ ಪೋಕರಿಗಳಿಗೆ
ನಿನ್ನ ಕೈ ರುಚಿ ತೋರಿಸು
ಕಲಿಯುತ ಕರಾಟೆ
ಸ್ವಯಂ ರಕ್ಷಣೆ ಮಾಡಿಕೊ
ನಲಿಯುತ ಜೀವಿಸು
ನಿನ್ನಯ ಭದ್ರತೆ ನೋಡಿಕೋ
ನಂಬದಿರು ಎಲ್ಲರ
ಎಚ್ಚರವಿರಲಿ ಸದಾಕಾಲ
ದಿಟ್ಟತನದಿ ಬದುಕು
ನೀ ಬರುವುದು ಸತ್ಕಾಲ
*ಸಿಹಿಜೀವಿ*
ಸಿ ಜಿ ವೆಂಕಟೇಶ್ವರ
*ಇಂದು ವಿಶ್ವ ಕರಾಟೆ ದಿನ*
೧
ಚುಟುಕು
*ಬಾರಿಸುತಿರು*
ಅಬಲೆಯು ನಾನೆಂದು
ದುರ್ಬಲಳು ನಾನೆಂದು
ಎಂದಿಗೂ ಕೊರಗದಿರು
ಕರಾಟೆ ಕಲಿತು ನಿನಗೆ
ತೊಂದರೆ ಕೊಡುವವರಿಗೆ
ನಾಲ್ಕು ಬಾರಿಸುತಿರು
೨
ಹನಿಗವನ
*ಆಯುಧ*
ಓ ಮಹಿಳೆಯೆ
ಯಾರೂ ನನ್ನ
ರಕ್ಷಣೆ ಮಾಡುವುದಿಲ್ಲ
ಎಂದು ಕೊರಗಬೇಡ
ವಿಧ ವಿಧ|
ಕರಾಟೆ ಕಲಿತು
ನೀನೇ ಆಗು
ಆಯುಧ ||
*ಸಿಹಿಜೀವಿ*
ಸಿ ಜಿ ವೆಂಕಟೇಶ್ವರ
*ಪಿಟಿ ಪಿಟಿ*
ಸಂಜೆ ಮನೆಗೆ ಬಂದ
ಗಂಡನಿಗೆ ಹೆಂಡತಿ
ಬೇಗನೆ ನೀಡದಿದ್ದರೆ
ಕಾಫಿ ಅಥವಾ ಟೀ|
ಗಂಡನ ಬಾಯಿ
ಒಂದೇ ಸಮನೆ
ಸದ್ದು ಮಾಡುವುದು
ಪಿಟಿ ಪಿಟಿ ||
*ಸಿಹಿಜೀವಿ*
ಸಿ ಜಿ ವೆಂಕಟೇಶ್ವರ
*ಗುದ್ದು_ರದ್ದು*
ಸದನದಲ್ಲಿ
ನೋಡಲಾಗದು
ಜನಪ್ರತಿನಿಧಿಗಳ
ಸದ್ದು ಮತ್ತು ಗುದ್ದು|
ದಯವಿಟ್ಟು
ಮಾಡಿಬಿಡಿ
ವಿಧಾನ ಪರಿಷತ್ ರದ್ದು||
*ಸಿಹಿಜೀವಿ*
ಸಿ ಜಿ ವೆಂಕಟೇಶ್ವರ
*ದಂಡ_ದೀರ್ಘದಂಡ*
ಲಾಕ್ಡೌನ್ ಸಮಯದಲ್ಲಿ
ನಗರದಿಂದ ಹಳ್ಳಿಗೆ
ಬರವವರನ್ನು ತಡೆದು
ಹಾಕಿದ್ದರು ಬಹಿಷ್ಕಾರ
ಮತ್ತು ದಂಡ|
ಗ್ರಾಮ ಪಂಚಾಯತಿ
ಚುನಾವಣೆಗೆ ಮತ
ಹಾಕಲು ಬರಲೇಬೇಕು
ಎಂದು ಹಾಕುತ್ತಿದ್ದರೆ
ಇಂದು ದೀರ್ಘದಂಡ||
*ಸಿಹಿಜೀವಿ*
ಸಿ ಜಿ ವೆಂಕಟೇಶ್ವರ
