*ಆಟಗಳ ಆಡೋಣ*
ಶಿಶುಗೀತೆ
ಭಾನುವಾರ ರಜೆಯು ನಮಗೆ
ಆಟವಾಡಲು ನಾವ್ ರೆಡಿ
ಒಂದು ದಿನ ಪೆನ್ನು ಪುಸ್ತಕ
ಪಾಠದ ಚಿಂತೆಯ ಬಿಡಿ.
ಮರವನತ್ತಿ ಇಳಿಯುತ ಮರಕೋತಿ
ಆಟವನು ಆಡೋಣ
ವೃತ್ತದಿ ನಿಂತು ಹುಲಿ ಹಸು
ಆಟವಾಡುತ ಕುಣಿಯೋಣ.
ಸಾಲಾಗಿ ನಿಂತು ಕೆರೆ ದಡ
ಆಟದಿ ನಲಿಯೋಣ
ಗೋಲಿ,ಲಗೋರಿ,ಚಿನ್ನಿದಾಂಡು
ಎಲ್ಲಾ ಆಟಗಳ ಆಡೋಣ.
ಸಂಜೆಯಾಗುತ ಆಟದಿ ದಣಿದು
ಮನೆಕಡೆ ಓಡೋಣ
ಕೈಯನು ತೊಳೆದು ಸಾಲಾಗಿಕುಳಿತು
ಅಮ್ಮನ ಕೈತುತ್ತು ತಿನ್ನೋಣ.
ಊಟದ ನಂತರ ನಾವು
ಅಮ್ಮನ ಮಡಿಲಲಿ ಮಲಗೋಣ
ಸೋಮವಾರ ಮತ್ತೆ ಸಿದ್ದವಾಗಿ
ಶಾಲೆ ಕಡೆ ನಡೆಯೋಣ.
*ಸಿಹಿಜೀವಿ*
ಸಿ ಜಿ ವೆಂಕಟೇಶ್ವರ
No comments:
Post a Comment