*ಪುಟ್ಟನ ಚಿತ್ರ*
ಶಿಶುಗೀತೆ
ನಮ್ಮ ಪುಟ್ಟ ದುಡ್ಡು ಕೊಟ್ಟು
ಚಿತ್ರದ ಪುಸ್ತಕ ಕೊಂಡನು
ಚಿತ್ರಗಳನ್ನು ನೋಡಿ
ಅವನು ಖುಷಿಯಪಟ್ಟನು.
ತಾನೂ ಕೂಡ ಚಿತ್ರ
ಬರೆಯಲು ಸಿದ್ದನಾದನು
ಪೇಪರ್ ಪೆನ್ಸಿಲ್ ಹಿಡಿದು
ಚಿತ್ರ ಬರೆಯಲು ಕುಳಿತನು.
ಬೆಟ್ಟ ಗುಡ್ಡ ,ಗಿಡ ಮರ
ಬಿಳಿಹಾಳೆಯಲಿ ಮೂಡಿದವು
ಪ್ರಾಣಿ ಪಕ್ಷಿ, ಚಿಟ್ಟೆಗಳು
ಅಲ್ಲಲ್ಲಿ ಕಂಡು ಬಂದವು.
ಬಣ್ಣದ ಬ್ರಷ್ ಹಿಡಿದು
ಬಣ್ಣವನ್ನು ತುಂಬಿದ
ಬರೆದ ಚಿತ್ರವನ್ನು ಅವನು
ಅಮ್ಮನಿಗೆ ತೋರಿಸಿದ.
ಮಗನ ಚಿತ್ರ ನೋಡಿ
ಅಮ್ಮ ಖುಷಿಯ ಪಟ್ಟರು
ಹಣೆಗೆ ಮುತ್ತನಿಟ್ಟು
ಕೈಗೆ ಲಾಡು ಕೊಟ್ಟರು.
*ಸಿಹಿಜೀವಿ*
ಸಿ ಜಿ ವೆಂಕಟೇಶ್ವರ
No comments:
Post a Comment