ನನಪಿದೆ ಕವನ

 *ನೆನಪಿದೆ*

ಗೆಜ್ಜೆ ಕಟ್ಟಿ ಹೆಜ್ಜೆ ಹಾಕಿ

ಕುಣಿದ ದಿನವು ನೆನಪಿದೆ

ನನ್ನ ನೃತ್ಯ ಕಂಡು ಅವನು

ಮೆಚ್ಚಿದ ಮಾತು ನೆನಪಿದೆ.

ವಾಲೆ ಜುಮುಕಿ ಕುಣಿತ ಕಂಡು

ಕರಗಳನ್ನು ತಟ್ಟಿ ನಲಿದು

ಬೆರಳಿನುಂಗುರದ ಸೌಂದರ್ಯ

ಕಂಡು ಅವನು ನಲಿದ ನೆನೆಪಿದೆ .

ನಾಗರ ಜಡೆ ಸರಿಸಿ ನಿಂದು

ರಾಗ ತಾಳ ಲಯಕೆ 

ಕುಣಿಯುವಾಗ ಅವನು 

ಮುಗುಳು ನಕ್ಕ  ನೆನಪಿದೆ.

ನನ್ನ ‌ನೃತ್ಯ ಮುಗಿದ ಮೇಲೆ

ಬಳಿಗೆ ಬಂದು ಬೈತಲೆ ಬಟ್ಟು

ಸರಿಸಿ ಮುತ್ತ ನೀಡಿದಾಗ 

ಕಂಠೀಹಾರ ಬಿಗಿಯಾದುದು ನೆನಪಿದೆ

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ