*ಸ್ವರ್ಗಕ್ಕೆ ಪಯಣ*
ಗಾಯನ ಲೋಕದ ಧೀಮಂತ
ನಟನಾ ಲೋಕದ ಶ್ರೀಮಂತ
ನೀನಗೆ ನೀನೆ ಸಾಟಿ ಬಾಲಣ್ಣ
ಮತ್ತೊಮ್ಮೆ ಹುಟ್ಟಿ ಬಾರಣ್ಣ.
ಕಂಠದಲ್ಲೆ ನವರಸ ತೋರಿದೆ
ಸರಿಗಮಗಳ ಕುಣಿದಾಡಿಸಿದೆ
ದಾಖಲೆಗಳನು ದೂಳೆಬ್ಬಿಸಿದೆ
ಭಾಷಾ ಸಾಮರಸ್ಯ ಬೆಳೆಸಿದೆ.
ನಾಯಕರಿಗೆ ನೀ ಶಾರೀರವಾದೆ
ಸತತವಾಗಿ ಹರಿಸಿದೆ ಗಾನಸುಧೆ
ಸಂಗೀತ ಲೋಕದ ದಿಗ್ಗಜ ನೀವು
ಎಂದಿಗೂ ಮರೆಯೊಲ್ಲ ನಾವು.
ತರ ತರ ಹಾಡನು ಹಾಡುತಲಿ
ಮೈಲಿಗಲ್ಲುಗಳ ದಾಟುತಲಿ
ಅಭಿಮಾನಿಗಳನು ಅಗಲಿದಿರಿ
ಸ್ವರ್ಗಕೆ ಪಯಣವ ಮಾಡಿದಿರಿ.
*ಸಿಹಿಜೀವಿ*
ಸಿ ಜಿ ವೆಂಕಟೇಶ್ವರ
ತುಮಕೂರು
No comments:
Post a Comment