ಮಾರುತಿ - ಮೂರುತಿ(ಕವನ)

ಮಾರುತಿ- ಮೂರುತಿ (ಕವನ)

ನಾನು ಕೋತಿ
ನಾನು ಮಾರುತಿ
ಕಡಿಮೆಯೇನಿಲ್ಲ
ನನ್ನ ಕೀರುತಿ
ಪೂಜಿಸುವರು ನನ್ನ
ಮೂರುತಿ.

ಚೇಷ್ಟೆಗೆ ಮಾಡುವೆನು ಆಗಾಗ
ಕೆಡುಕಿಗೆ ನನ್ನಲಿಲ್ಲ ಜಾಗ
ನಾನು ಜಗದ ಅವಿಭಾಜ್ಯ ಭಾಗ
ನಾನಿರಲು ವನವು ಸೊಗ
ನನ್ನ ನೋಡುವುದೇ ನಿಮಗೆ ಸೋಜಿಗ.

ಕಟ್ಟಿಹರು ಊರಿಗೊಂದು
ಸುಂದರ ಗುಡಿ
ನನ್ನ ಕಂಡರೆ
ಕಿರುಚುವರು ಹೊಡಿ ಬಡಿ
ನಾಡು ಬೇಡವೆಂದು
ಕಾಡಿಗೋಡಿದರೆ
ಹಚ್ಚುವಿರಿ ಬೆಂಕಿಯ ಕಿಡಿ
ದಯವಿಟ್ಟು ನನ್ನ ಪಾಡಿಗೆ
ನನ್ನ ಬಿಡಿ.

ಸಿ.ಜಿ ವೆಂಕಟೇಶ್ವರ