ಗಜ಼ಲ್ ೩೩ (ಕನಸಾಗಿತ್ತು)

*ಗಜ಼ಲ್ ೩೩*


ಕೇಡಿಲ್ಲದ ದುಗುಡವಿಲ್ಲದ ಸಮಾಜ ಕಟ್ಟುವ  ಕನಸಾಗಿತ್ತು
ಸರ್ವಸಮಾನತೆಯ ಸಮಾಜ ಹೊಂದುವ ಕನಸಾಗಿತ್ತು

ಉಳಿವಿಗಾಗಿ ಹೋರಾಟ ಬಲಿಷ್ಠರ ಹಾರಾಟ ನಿಂತಿಲ್ಲ
ಉಳ್ಳವರ ಇರದವರ ಸಾಮರಸ್ಯ ಕಾಣುವ ಕನಸಾಗಿತ್ತು

ಮತಗಳಿಕೆಗೆ ಮತಗಳ ಒಲೈಕೆ ರಾಜಕಾರಣ ಎಲ್ಲೆಲ್ಲೂ
ಜಾತಿಮತದ ಭೇದವಿರದ ನಾಡು  ಕಟ್ಟುವ ಕನಸಾಗಿತ್ತು

ಹೆಜ್ಜೆ ಹೆಜ್ಜೆಗೆ ಕೊಲೆ ಸುಲಿಗೆ ಮೋಸಗಳ  ಮೆರವಣಿಗೆ
ಅಪರಾಧ ಮುಕ್ತ ಶಾಂತ  ಜಗವ ಹೊಂದುವ ಕನಸಾಗಿತ್ತು

ಐಹಿಕ ಸುಖ ಭೋಗದ ಲಾಲಸೆಯಲಿ‌ ಮಳುಗಿಹುದು‌ ಜಗ
ಸೀಜೀವಿಗೆ ಮುಕ್ತಿ ಹೊಂದಲು ಆತ್ಮಸಾಕ್ಷಾತ್ಕಾರ ಪಡೆವ ಕನಸಾಗಿತ್ತು

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*