ಗಜ಼ಲ್ ೩೨ (ಕೊನೆಯಿಲ್ಲ)

*ಗಜ಼ಲ್ ೩೨*

ಬ್ರಹ್ಮಾಂಡವನೆ ಕೊಟ್ಟರೂ ಆಸೆಗಳ ಕೂಪಕೆ ಕೊನೆಯಿಲ್ಲ
ಬ್ರಹ್ಮ ಬಂದರೂ ಮಾನವರ ಕಚ್ಚಾಟಕೆ ಕೊನೆಯಿಲ್ಲ

ಸೂರ್ಯ ಚಂದ್ರ ತಾರೆಗಳ ಅನಂತ ವಿಶ್ವ ನಮ್ಮ ಅನುಕೂಲಕಿವೆ
ಅಪರಿಮಿತವಾದ ಬೇಡಿಕೆಗಳ ಮೋಹಕೆ ಕೊನೆಯಿಲ್ಲ

ನಾನು ನನ್ನದು ನನ್ನಿಂದಲೇ ಎಂದು ಅಹಂಕಾರದಿ ಮೆರೆವರು
ಸ್ವಾರ್ಥ ಲೋಭ  ಮೋಹ ಮದಗಳ ಜಾಲಕೆ ಕೊನೆಯಿಲ್ಲ

ನಿಸರ್ಗಕೆ ವಿರುದ್ದವಾದ ಜೀವನ ಆಚರಣೆಗಳು ಅವ್ಯಾಹತ
ಭೂಕಂಪ ಸುನಾಮಿ ಜ್ವಾಲಾಮುಖಿ ಪ್ರಕೃತಿ ವಿನಾಶಕೆ ಕೊನೆಯಿಲ್ಲ

ಮತೀಯತೆ ಪ್ರಾಂತೀಯತೆಯ ಬಡಿದಾಟ ನಿಲ್ಲುತ್ತಿಲ್ಲ
ಸೀಜೀವಿಯ ವದುಧೈವಕುಟುಂಬಕಂ ಆಶಯಕೆ ಕೊನೆಯಿಲ್ಲ

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*