ಸದನದಲಿ ನಿದ್ದೆ ಮಾಡುವೆವು
ಎಚ್ಚರಾದಾಗ ಗದ್ದಲವೆಬ್ಬಿಸುವೆವು
ಮಸೂದೆಗಳ ಹರಿದು ಹಾಕುವೆವು
ದಯವಿಟ್ಟು ನಮಗೆ ಓಟು ಕೊಡಿ
ನಿಮ್ಮ ಚಿಂತೆ ಮಾಡುವುದಿಲ್ಲ
ನಮ್ಮ ಚಿಂತೆ ನಿಮಗೆ ಬೇಡ
ನಾವಿರುವುದೇ ನಮಗಾಗಿ
ದಯವಿಟ್ಟು ನಮಗೆ ಓಟು ಕೊಡಿ
ನಿಮ್ಮ ಒಗ್ಗಟ್ಟು ನಾವು ಸಹಿಸುವುದಿಲ್ಲ.
ಒಡೆದು ಆಳುವುದ ನಾವು ಬಲ್ಲೆವಲ್ಲ
ನೀವು ಬಡಿದಾಡಿದರೆ ಲಾಭ ನಮಗೆ
ದಯವಿಟ್ಟು ನಮಗೆ ಓಟು ಕೊಡಿ
ಗೆದ್ದ ಮೇಲೆ ನಿಮ್ಮ ಸುದ್ದಿಗೆ ಬರುವುದಿಲ್ಲ
ಗದ್ದುಗೆಯನು ಬಿಡುವುದೇ ಇಲ್ಲ
ದೋಚುವ ಕಾಯಕ ಮರೆಯುವುದಿಲ್ಲ
ದಯವಿಟ್ಟು ನಮಗೆ ಓಟು ಕೊಡಿ
*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*
No comments:
Post a Comment