ಗಜ಼ಲ್ ೩೦ (ಮಳೆ )

*ಗಜ಼ಲ್೩೦*

ಮನೆ ಮಠಗಳ ಕೊಚ್ಚಿ ರೊಚ್ಚಿಗೇಳುವುದು  ಮಳೆ
ಇಳೆಯ  ನಲಿವಿಗೆ ಆಧಾರವಾಗಿಹುದು  ಮಳೆ

ಬಿರಿದ ಮಣ್ಣಿಗೆ ತಂಪೆರೆದು ಹದಗೊಳಿಸುವುದು
ಮನ ಮನಗಳ ಬೆಸುಗೆಯ ಕಾರಕವಾಗಿಹುದು  ಮಳೆ

ಸಕಲ ಕೊಳೆಯ ತೊಳೆದು ಹಸನುಗೊಳಿಸುವುದು
ನಲ್ಲೆ ಬಳಿಯಿರಲು ರೋಮಾಂಚನಗೊಳಿಸುವುದು ಮಳೆ

ಬರಡು ಮರುಭೂಮಿ ಬಡತನದ ಜ್ವಾಲೆ
ಸಮೃದ್ಧ ಹಸಿರುಡುಗೆ ಉಡಿಸುವುದು ಮಳೆ 

ಸುಮಧುರ ಮಣ್ಣಿನ ಘಮಲು ನಾಸಿಕಕೆ ಅಹ್ಲಾದ
ಸೀಜೀವಿಯ ಮನಕಾನಂದಗೊಳಿಸುವುದು ಮಳೆ

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*