ಸಮಯ ಕುರಿತ ನನ್ನ ಕವನ *ಮನವಿ .*

                   * ಮನವಿ*

ಕಾಲವೇ ನಿಲ್ಲು ಓಡದಿರು
ನಿಂತಿಲ್ಲ ಅನ್ಯಾಯ ಬತ್ತಿಲ್ಲ ಕ್ರೌರ್ಯ
ಜಗದಿ ಶಾಂತಿ ನೆಲೆಸುವವರೆಗೆ
ಓಡದಿರು ನಿಲ್ಲು .

ಅರಿತಿಲ್ಲ ನಮ್ಮ ನಾವು
ಬೆರೆತಿಲ್ಲ ಪರಿಸರದಿ
ನಮಗರಿವು ಮೂಡಿ ಬೆರೆವವರೆಗೆ
ಓಡದಿರು ನಿಲ್ಲು.

ಬಂದಿಲ್ಲ ನಮ್ಮಲ್ಲಿ ಸಮಾನತೆ
ನಿಂತಿಲ್ಲ ದುರ್ಬಲರ ಶೋಷಣೆ
ಸರ್ವರಿಗೂ ಸಮಪಾಲು ಸಿಗುವವರೆಗೆ
ಓಡದಿರು ನಿಲ್ಲು

ದಯವಿಲ್ಲ ಪ್ರಾಣಿಗಳ ಮೇಲೆ
ಕಚ್ಚಾಡುತಿಹೆವು ಧರ್ಮದೆಸರಿನಲಿ
ದಯವೇ ಧರ್ಮದ ಮೂಲವಾಗುವವರೆಗೆ
ಓಡದಿರು ನಿಲ್ಲು.

ಸಿ.ಜಿ.ವೆಂಕಟೇಶ್ವರ
ಗೌರಿಬಿದನೂರು