ನಾವು ಗೆಳೆಯರು (ಚಿತ್ರ ಕವನ)

           *ನಮ್ಮ ಒಗ್ಗಟ್ಟು*

ನಾವು ಎಳೆಯರು ನಾವು ಗೆಳೆಯರು
ನಮ್ಮ ಲೋಕವೆ ಸುಂದರ
ಗುಮ್ಮ ಬಂದರೂ ಹೆದರಲಾರೆವು
ನಮ್ಮ ಗೆಲುವು ನಿರಂತರ

ಚಿಂದಿ ಆಯ್ವೆವು ಚಂದ ಇರುವೆವು
ಬಂಧು‌ ಬಳಗ ಎಲ್ಲಾ ನಾವೆ
ನಮ್ಮ ಸ್ನೇಹಕೆ ಎಣೆಯು ಉಂಟೆ
ಜೀವಿಸುವೆವು ನೋಡಿ ನೀವೆ

ಅಪ್ಪ ಅಮ್ಮ ನಮಗೆ ಇಲ್ಲ
ಜಗವೆ ತಂದೆ ತಾಯಿ ಎಲ್ಲಾ
ಕೂಡಿ ಬಾಳ್ವೆವು ಕೂಡಿ ನಲಿವೆವು
ನೋಡಿ ಕಲಿಯಿರಿ ನಮ್ಮನಿಲ್ಲಿ

ಕಷ್ಟ ಸುಖಗಳ ಮೆಟ್ಟಿ ನಿಲ್ವೆವು
ದುಷ್ಟ ಬುದ್ದಿ ನಮಗೆ ಸುಳಿಯದು
ಕೂಡಿಬಾಳಲು ಸ್ವರ್ಗಸುಖವು
ಭವಿಷ್ಯದ ಭಾರತ ನಮ್ಮದು

ಸಿ.ಜಿ.ವೆಂಕಟೇಶ್ವರ
ಗೌರಿಬಿದನೂರು