ಆತ್ಮವಿಶ್ವಾಸ( ಕವನ )

 *ಆತ್ಮವಿಶ್ವಾಸ*

ತಿಳಿ ನೀಲಿ ಬಾನಿನಲಿ

ಅಲ್ಲಲ್ಲಿ ಬಿಳಿ‌ಮೋಡ

ದಡದಲಿ ನಿಂತಿವೆ 

ಬಣ್ಣದ ದೋಣಿಗಳ ನೋಡ

ಬಣ್ಣಗಳೇನೋ ಇವೆ

ಬದುಕು ಬರೀ ಕಪ್ಪು ಬಿಳುಪು

ದಡ ಸೇರುವುದು ಖಚಿತವಿಲ್ಲ

ಬಿರುಗಾಳಿಯದೇ ಕೆಟ್ಟ ನೆನಪು

ಕಳೆದ ದಿನಗಳಲಿ

ಹೀಗಿರಲಿಲ್ಲ ಕಷ್ಟಗಳು

ಈಗೇಕೋ ದಿನವೂ 

ತೊಂದರೆ ತಾಪತ್ರಯಗಳು

ದೋಣಿ ನಡೆಸುವುದನ್ನು

ನಿಲ್ಲಿಸಲಾರೆ ಇಂದು

ಒಳಿತಾಗುವುದು ಮುಂದೆ

ಎಂಬ ಆತ್ಮವಿಶ್ವಾಸ ನಂದು 

*ಸಿಹಿಜೀವಿ*

ಸಿ ಜಿ ವೆಂಕಟೇಶ್ವರ

ತುಮಕೂರು