ಮೌನಿ (ಕವನ)

*ಮೌನಿ*

ಮೌನಕಿರುವುದು ನೂರು ಅರ್ಥ
ಮೌನವು  ಗೆದ್ದಿದೆ ಹಲವು ಅನರ್ಥ
ಮೌನವು ಬಂಗಾರವೂ ಹೌದು
ವ್ಯಕ್ತಿತ್ವದ ಸಿಂಗಾರವೂ ಹೌದು.

ಮೌನಿಯೆಂದರೆ ಮೂಗನಾಗುವುದಲ್ಲ
ಮೂಗಿನ ನೇರಕೆ ಮಾತಾನಾಡುವುದಿಲ್ಲ
ಮೌನಿಯಾದವ ಗೆದ್ದಿರುವ ಕಲಹಗಳ
ಉಳಿಸಿಕೊಂಡಿರುವ ಸಂಬಂಧಗಳ.

ಮೌನದಲ್ಲಿದೆ ಹಲವು ಪರಿಹಾರ
ಮೌನದಿಂದಿದ್ದರೆ ಶಾಂತಿ ಸಾಕಾರ
ದಾರಿಯಿದೆ ಆಂತರ್ಯದ ತುಮುಲಕೆ
ಅವಕಾಶವಿದೆ ಆತ್ಮಾನುಸಂಧಾನಕೆ

ಮೌನಿಯಾಗಬೇಕು ಟೀಕೆಗಳಿಗೆ
ಅಜ್ಞಾನಿಗಳ  ಮಾತುಗಳಿಗೆ
ಮೌನಿಯಾಗಬೇಕಿದೆ ನಾನು
ನನ್ನಿಂದಲೇ  ತೊಲಗಲು ನಾನು


*ಸಿ ಜಿ ವೆಂಕಟೇಶ್ವರ*
*ತುಮಕೂರು*