ಗಜಲ್ ೪೦ (ಸಾವು)

      *ಗಜಲ್೪೦*

ಬೇಕೆಂದು ಬಯಸಿದರೆ ಬರುವುದಿಲ್ಲ ಸಾವು
ಬೇಡವೆಂದರೂ ನಿಲ್ಲುವುದಿಲ್ಲ ಸಾವು

ಬಹುಕೃತ ವೇಷಗಳುಂಟು   ಬದುಕಲು
ಯಾವ ನಾಟಕಕು ಜಗ್ಗುವುದಿಲ್ಲ ಸಾವು

ಸಂಬಂಧಗಳಲಿ ಬಂದಿಗಳು ನಾವು
ಬಂದು ಬಾಂಧವರ ಲೆಕ್ಕವಿಡುವುದಿಲ್ಲ ಸಾವು

ಬಡವ ಬಲ್ಲಿದ ಮೇಲು ಕೀಳುಗಳ ಮೇಲಾಟ
ಎಲ್ಲರ ಸಮ ಮಾಡದೆ ಬಿಡುವುದಿಲ್ಲ ಸಾವು

ಸೀಜೀವಿಗೆ ಆಸೆ ಸಜ್ಜನರು ಬದುಕುಳಿಯಲು
ಒಳ್ಳೆಯ ಕೆಟ್ಟವರೆಂದು ಭೇದ ತೋರುವುದಿಲ್ಲ ಸಾವು

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*