ಬಂದು ನೋಡು (ಕವನ)

             ೧
       *ಬಂದು ನೋಡು*

ಓ ಬಾಪು ನೀ ಬಂದು ನೋಡು
ಸತ್ಯ ಧರ್ಮ ಅಹಿಂಸೆಯ ಪಾಡು

ಸತ್ಯಕ್ಕೆ ಇಂದು ಬೆಲೆ ಇಲ್ಲ
ಅಸತ್ಯವೆ ನೋಡು ಎಲ್ಲೆಲ್ಲೂ
ಸತ್ಯವನು  ಮಿಥ್ಯೆ ಮಾಡಿ
ಸತ್ಯ ಹರಿಶ್ಚಂದ್ರರೆನುತಿಹರು

ಧರ್ಮವು ಓಟಿನ ಸರಕಾಗಿ
ಅಧರ್ಮದ  ಕೈ ಮೇಲಾಗಿ
ಕಚ್ಚಾಟವಾಡುವರು ತಮ್ಮೋಳಗೆ
ಸ್ವಚ್ಛಮನಸಿನವರೆಂದು ಉಲಿವರು

ಅಹಿಂಸೆಯ ಅರ್ಥ ಕಳೆದುಕೊಂಡಿದೆ
ಹಿಂಸೆಯು ಎಲ್ಲೆಡೆ  ರಾರಾಜಿಸುತಿದೆ
ಪರಸ್ಪರ   ಹಿಂಸಾಚಾರದಲ್ಲಿ‌ ತೊಡಗಿ
ಅಹಿಂಸಾವಾದಿಗಳೆಂದು ಬೀಗುವರು

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*