ಸೌಂದರ್ಯ ಸುಂದರಿ

ಸೌಂದರ್ಯ ಸುಂದರಿ

ಯಾರಿವಳು ಮೋಹಕ ಸುಂದರಿ
 ಇವಳ ಮೈಮಾಟ ತರಾವರಿ
ಇವಳ ಕಣ್ಣು ಸೂಜಿಮಲ್ಲೆ
ಕುಳಿತಿಹಳಲ್ಲ ಸರೋವರದ ಪಕ್ಕದಲ್ಲೇ

ಸಾಗರಿಯೋ ನಾಗಿಣಿಯೋ ತಿಳಿಯುತಿಲ್ಲ
ಇವಳ ಲಜ್ಜೆಯ ನೋಟಕೆ ಮಿತಿಯಿಲ್ಲ
ಅನುಮಾನ  ನನಗೆ ಇವಳುಎಲ್ಲೋರಾ ಶಿಲ್ಪ ?
ರಂಭಾ ಊರ್ವಶಿಯರು ಇವಳ ಮುಂದೆ ಅಲ್ಪ


ಕಾಯುತಿರಬಹುದು ಇನಿಯನ ಬರುವಿಕೆಗಾಗಿ
ಕೇಳಿ ಬರಲೇ ನಾನೀಗಲೆ  ಬೇಗನೆ ಹೋಗಿ
ಕೇಳಲೇ ಅವಳ ಏ ಕಾಂತೆ  ಏಕಾಂತವೇಕೆ?
ನಿಂದಿಸಬಹುದು ನನ್ನ ಆ ವಿಷಯ ನನಗೇಕೆ

ಕರದಲಿರುವುದು  ಕೋಮಲ ಮಯೂರ ಗರಿ
ಹಿನ್ನೆಲೆಯಲಿರುವುದು ಮೋಹಕ ಗಿರಿ
ಇವಳು ಮಯೂರಶರ್ಮನ ಪ್ರೇಯಸಿಯೋ?
ಗಿರಿರಾಜನ ಹಿರಿ ತನುಜೆಯೋ?

ನಿನ್ನಂದದಿಂದ ಸೊಬಗು ಆಭರಣಗಳಿಗೆ
ಚಂದಿರನೇ ನಾಚಿದ ನೋಡಿ ನಿನ್ನ ಹೂನಗೆ
ಕಮಲನಾಭನ ಪಟ್ಟದರಿಸಿಯೋ
ಬ್ರಹ್ಮ ದೇವನ ಹೃದಯ ವಾಸಿಯೋ

ಮಾತನಾಡಿ ಪರಿಹರಿಸು ನನ್ನ ಸಂದೇಹವ
ತಾಳಲಾರೆನು ನಾನು ಈ ನಿನ್ನ ಮೌನವ
ನೀನೇ ಪ್ರಕೃತಿ ಸೌಂದರ್ಯವೋ
ಅಥವಾ ಪ್ರಕೃತಿಯೇ ನಿನ್ನ ಸೌಂದರ್ಯವೋ?

ಸಿ.ಜಿ.ವೆಂಕಟೇಶ್ವರ
ಶಿಕ್ಷಕರು
ಗೌರಿಬಿದನೂರು