ವೀರಯೋಧರೆ ಕ್ಷಮಿಸಿಬಿಡಿ

ಕ್ಷಮಿಸಿ ಬಿಡಿ

    (ವೀರ ಯೋಧರಿಗೆ ಅರ್ಪಣೆ)

ಕಚ್ಚಾಡುತಿಹೆವು   ಗಡಿಯೊಳಗೆ
ಬೆಚ್ಚನೆಯ ಗುಡಿಯೊಳಗೆ
ಗಡಿಯಲಿರುವ ನಿಮ್ಮ ಕಷ್ಟಗಳ
ಅರಿವಿಲ್ಲದೇ   ಕ್ಷಮಿಸಿ ಬಿಡಿ

ದೊಂಬರಾಟವಾಡುತಿಹೆವು ಜಾತಿ
ಧರ್ಮದ ಹೆಸರಿನಲಿ
ಭಾರತಾಂಬೆಯ ಮರೆತಿಹೆವು
ನಮ್ಮೀ ಅಪರಾಧವ ಕ್ಷಮಿಸಿ ಬಿಡಿ

ಬಿಸಿಲು ಮಳೆ ಚಳಿ ಲೆಕ್ಕಿಸದೇ
ಶತೃಗಳಿಂದ ರಕ್ಷಣೆ ಮಾಡುವಿರಿ
ಗಡಿಯೊಳಗೆ ಪರಸ್ಪರ ನಾವೇ ಶತೃಗಳಾಗಿ
ಕಿತ್ತಾಡುತಿಹೆವು ಕ್ಷಮಿಸಿ ಬಿಡಿ

ದೇಶ ಭಕ್ತಿಗೆ ಪ್ರೇರಣೆ ನೀವು
ವೇಷ ಹಾಕಿ ದೇಶಭಕ್ತಿ ಹೆಸರಿನಲ್ಲಿ
ನಮ್ಮ ಬೇಳೆ ಬೇಯಿಸಿಕೊಳ್ಳುತ್ತಿದ್ದೇವೆ
ಸುಮ್ಮನೇ ನಮ್ಮ ಕ್ಷಮಿಸಿ ಬಿಡಿ

 ಸಿ‌.ಜಿ.ವೆಂಕಟೇಶ್ವರ
ಗೌರಿಬಿದನೂರು