ಮಾನವರಾಗುವಿರಾ?

ಮಾನವರಾಗುವಿರಾ?

ಮಾನವರಾಗುವಿರಾ ನೀವು
 ಮಾನವಾರಾಗುವಿರಾ?
ದಾನವತೆಯ ಹೀನ ಗುಣವ ಬಿಟ್ಟು.
 ಮಾನವರಾಗುವಿರಾ?

ಅಪ್ಪ ಅಮ್ಮನನು ತಪ್ಪದೆ ಪೂಜಿಸಿ
ತಪ್ಪು ಒಪ್ಪುಗಳ ಲೆಕ್ಕವ ಇಟ್ಟು
ಅಪ್ಪಿ ಮುದ್ದಾಡಿ ಸಲಹಿ ಅವರ //

ಅನ್ನ ದಾನವ ಮಾಡುವರಾಗಿ
ಅನ್ನ ಪೋಲನು ಇಂದೇ ನಿಲ್ಲಿಸಿ
ಇನ್ನು ಅನ್ನದ ಬೆಲೆಯನು ತಿಳಿಯಿರಿ//

ಪರಿಸರ ರಕ್ಷಣೆ ಮಾಡುವರಾಗಿ
ಪರಿ ಪರಿ ಮರಗಿಡ ಇಂದೇ ನೆಡಿರಿ
ಪರರ ಹಿತವನು ಅನುದಿನ ನೆನೆಯಿರಿ//

ಪ್ರಾಣಿ ಪಕ್ಷಿಗಳ ಮೇಲೆ ಕರುಣಿಸಿ
ಪ್ರಾಣದ ಬೆಲೆಯನು ತಪ್ಪದೆ ತಿಳಿಯಿರಿ
ಪರಹಿತ ಪರಮಾತ್ಮ ಎಂಬುದ ತಿಳಿಯಿರಿ //

ಜಾತಿ ಭೇಧದ ಬೀಜವ ಬಿತ್ತದೇ
ನೀತಿ ನೇಮದಿ ಜನರಲಿ ಬೆರೆಯುತ
ಪ್ರೀತಿಯಿಂದ ಎಲ್ಲರಲಿ ಬೆರೆ ನೀ //

ಸಿ.ಜಿ.ವೆಂಕಟೇಶ್ವರ
ಗೌರಿಬಿದನೂರು