*ಗಜ಼ಲ್46*
ತರಗತಿ ಕೋಣೆ ಶಾಲೆಗಳು ಬದಲಾದರೆ ಅದು ವಿದ್ಯೆಯೆ
ಅಂಕದ ಆಟದಿ ಅಂಕಿ ಸಂಖ್ಯೆಗಳು ಮೇಲಾದರೆ ಅದು ವಿದ್ಯೆಯೆ
ಎಲ್ಲೆಡೆ ಮೇಲೇಳುತಿಹವು ನಾಯಿಕೊಡೆಗಳು ಅರಿವಿನ ಹೆಸರಲಿ
ಪದವಿ ಪದಕ ಬಿರುದುಗಳನು ಪಡೆದರೆ ಅದು ವಿದ್ಯೆಯೆ
ಸಂಸ್ಕಾರ ಸಂಸ್ಕೃತಿ ಮೌಲ್ಯಗಳು ಯಾರಿಗೂ ಬೇಕಿಲ್ಲ
ದಿವಿನಾದ ಬಟ್ಟೆ ಟೈ ಬೆಲ್ಟ್ ಶಾಲಾವಾಹನಗಳಿದ್ದರೆ ಅದು ವಿದ್ಯೆಯೆ
ಮಾತೃ ಪಿತೃ ಗುರುದೇವೋಭವ ಕೇವಲ ಹೇಳಲು ಕೇಳಲು
ವಯಸ್ಸಾದ ಅಪ್ಪ ಅಮ್ಮಂದಿರ ವೃದ್ದಾಶ್ರಮಕೆ ಸೇರಿಸಿದರೆ ಅದು ವಿದ್ದೆಯೆ
ಹಿಂದೊಮ್ಮೆ ಅನ್ನ ವೈದ್ಯೂಪಚಾರ ವಿದ್ಯೆ ಮಾರಾಟಕ್ಕಿರಲಿಲ್ಲ
ಲಕ್ಷ ಕೋಟಿ ಕೊಟ್ಟು ವಾಮಮಾರ್ಗದಿ ಪದವಿ ಪಡೆದರೆ ಅದು ವಿದ್ಯೆಯೆ
*ಸಿ. ಜಿ ವೆಂಕಟೇಶ್ವರ*
*ಗೌರಿಬಿದನೂರು*
No comments:
Post a Comment