ಕರಿಮಣಿ ತಾ (ಕವನ)

             *ಕರಿ ಮಣಿ ತಾ*

ಬರೆಯುವೆ ನಲ್ಲನೆ ನಿನಗಾಗಿ
ಬರುವೆಯಾ  ನಿನ್ನೊಲವಿಗಾಗಿ

ಹಾಳೆಗಳೆ ಖಾಲಿ ನಿನಗಾಗಿ ಬರೆದು
ನಾಳೆಗಳ ಕನಸಾಗಲಿಲ್ಲ ಬರಿದು
ನೀನಿತ್ತ ಸವಿ ಮುತ್ತ ಮರೆತಿಲ್ಲ
ನಿನ್ನಾಗಮನದ ನಿರೀಕ್ಷೆ ಬಿಟ್ಟಿಲ್ಲ

ನನ್ನ ಮದುವೆ ತಯಾರಿ ಮನೆಯಲ್ಲಿ
ಅನ್ಯ ಹುಡುಗ ಬೇಡ ನನ ಮನದಲ್ಲಿ
ನಿನ್ನನೇ ವರಿಸುವೆನು ಈ ಜನುಮದಲಿ
ಇನ್ನೂ ಭರವಸೆ  ನೀನಿತ್ತ  ಮಾತಿನಲಿ

ಬರುವೆಯೆಂದಿದ್ದೆ ಕಳೆದ ವಾರ
ಬರದೇ ಹೋದೆ ಇದು ನನಗೆ ಬರ
ಸರ ಕೊಂಡು ತಂದಿದ್ದೆ ಅಂದು
ಕರಿ ಮಣಿ ತಾ ಬೇಗ ಬಂದು

*ಸಿ.ಜಿ.ವೆಂಕಟೇಶ್ವರ*
*ಗೌರಿಬಿದನೂರು*